Ағымдағы жылдың 15 қыркүйегінде Қалихан Алтынбаев атындағы аудандық мәдениет үйінде кастинг өтті. Аудандық мәдениет және тілдерді дамыту бөлімі, облыстық мәдениет, архивтер және құжаттама басқармасымен бірлесіп ұйымдастырған байқаудың басты мақсаты - жалпы облыс  және аудандардағы жас таланттарды іздеп, олардың шығармашылығын дамытып, дарынды жастарды анықтау.

Қатысуға ауданның әр түкпірінен 30-ға жуық адам өтініш білдірген. Оған 14 пен 35 жас аралығындағы кез келген адам бақ сынай алады.
Іс-шара барлық санитарлық нормаларды қатаң сақтай отырып өтті. Байқауға қатысушылар жарқын және қызықты музыкалық нөмірлер ұсынды. Оның ішінде ән, би, күй, терме болды. Шығармалар қазақ, орыс, ағылшын және француз тілдерінде орындалды.
Қазылар алқасы құрамында Шығыс Қазақстан облысының мәдениет, архивтер және құжаттама басқармасының өкілдері қатысты. Аудандық мәдениет және тілдерді дамыту бөлімінің басшысы Алмаз Нұрғалиев талантты жерлестерінің дарындарын одан әрі ашуға қолдау мен мүмкіндік алатындығын жеткізді. Байқауға қатысушылардың өнерлері бейнежазбаға жазылып, облыстық мәдениет, архивтер және құжаттама басқармасында да бағаланады.

Пікір: