Кез-келген мемлекеттің қуатты болуы, еңбекке қабілетті, ой еңбегі мен дене еңбегін қатар алып жүретін тәні мықты, рухы биік жандары көп елде ғана жүзеге асады. Халық даналығында: «Тәні мықтының, рухы мықты», «Дені саудың, жаны сау», «Денсаулық - басты байлық», «Спорт-денсаулық кепілі» деген сөздердің мәні тереңде жатыр.
«Мемлекетіміздің басты байлығы — ұрпақ саулығы» деп Елбасымыз айтқандай, халықтың денсаулығы басты қазынамыз екендігі рас. Қазіргі таңда денсаулық сақтау саласын жақсарту мақсатында көптеген жұмыстар қолға алынып, ауыз толтырып айтарлықтай нәтижелерге қол жеткізіп келеміз. Ал, спортты денсаулық кепілі дейтін болсақ, ел намысы сыналатын салада да біршама өзгерістер орын алып келеді. Осыған байланысты еліміз аумағында түрлі үгіт-насихат жұмыстары жүргізіліп, спорттық жарыстар, фес-тивальдер ұйымдастырылуда.
Біздің аудан да айтулы істерден қалыс қалып жатқан жоқ. Солардың бірі, Көкпекті ауданының арнаулы әлеуметтік қызметтер көрсету орта-лығының ұйымдастыруымен салауатты өмір салтын насихаттау мақсатында, ағымдағы жылдың 27 сәуірі күні қызмет көрсетушілер арасында «Толағай» спорттық сайысы болып өтті. Сайыс сегіз кезеңнен тұрып, оған «Қыран», «Толағай», «Олимп» топтары қатысты. Әр кезеңде топ мүшелері ептіліктерімен, қырағылықтарымен көз-ге түсті. Олардың еңбектерін таразылаған сарапшылар, ойын соңында әділ бағаларын берді. Са-йыс қорытындысы бойынша І-орынды «Олимп», ІІ-орынды «Толағай» алса, ІІІ-орын «Қыран» тобының еншісіне тиді.

Спорттық шараға белсене қатысқан топ мүшелеріне мақтау қағаздары мен сыйлықтар табысталды.

КЛАРА ҚАЙЫПЖАНҚЫЗЫ

Пікір: