Вакцинация – жұқпалы аурулармен күресудің ғылыми негізделген және ең тиімді әдісі болып табылады. Коронавирус індетінен қорғанудың бірден бір жолы – бұл екпе алу. Бүкіл әлем қауіпті індетпен күресуде вакциналау әдісін қолдануда. Әлем халқы вакцинацияға үміт артып отыр.
Көкпекті ауданында төртінші ай коронавирус инфекциясына қарсы вакцина егу науқаны жүргізіліп жатыр. Аудандық басылымда екпе алу барысы туралы үнемі ақпарат беріп келеміз.
Аудандық орталық аурухана мамандарының мәліметі бойынша шілде айының басынан бері корнавирус індетіне қарсы вакцинамен 1825 адам егілген. Оның ішінде 843 адам толық екпе алушылар, бұлар вакцинаның 2 компенентімен егілгендер. Екпе салу кезінде «Гам-КОВИД-вак» («Спутник V») вакцинасы қолданылды. Көкпекті өңірі бойынша вакцинациялау басталғалы 4255 адам екпе алған, оның ішінде 2606 адамға толық 2 компенент егілді.

Естеріңізге сала кетсек, вакцинаны аудан орталығы Көкпектіге келмей де алуға болады. Бұл мақсатта әрбір ауылдық округтегі дәрігерлік амбулаторияларда екпе салу бекеттері құрылған. Жергілікті тұрғындар өз ауылында екпе алу мүмкіндігіне ие. Көкпекті ауданы бойынша барлығы 8 стационарлық және 1 көшпелі екпе алу бекеті жұмыс істеп тұр. Олар сапалы және қауіпсіз екпе жұмыстарын жүргізу үшін барлық қажетті құрылғылармен қамтылған.
Коронавирусқа қарсы вакцина алу – бұл өз деңсаулығына және жақындарыңның амандығына асқан жауапкершілікпен және қамқорлықпен қараудың жарқын үлгісі. Екпе алған адамның имміндық жүйесі организмдағы вирусты анықтап, оны жою үшін күреседі. Медицина мамандары вакцина алу қазіргі уақытта инфекциялық аурылармен күресудің және оның алдын алудың бірден бір тиімді жолы екенін айтуда. Осылайша, сіз тек қана өзіңізді емес, жақындарыңызды да қорғайсыз.
Қауіпті індетке қарсы вакцинаны кез келген ниет білдіруші адамның алуға мүмкіндігі бар. Бұл үшін аудандық ауруханаға 2-02-34 телефоны арқылы хабарласып немесе Е- Gov порталы арқылы жазылуға болады.

Пікір: