Серіктестер

                                                                                                                    

                                                                                         

 

 

137 жасқа жеткен Жолымбет бабамыздың Ажы ұлына тараған ел кузеу ететін Көкпектінің көкорайлы жазығында ел тұрақтап қыста салғалы бір ғасырдан асты. Кезінде Бессарабиядан ауа көшкен ғағауыздар мен түріктер де келіп пана тапқан екен, біздің аталарымыздан. 1988 жылдары аудан онамастикасы қайта жаңғыра бастағанда, осы ауылдың тарихы жайлы Қалихан Алтынбаев көп ізденді. 2000 жылдары ежелгі атауы Ажы қайтарылды. Ауылдың негізгі атауы Ажа емес – Ажы. Ол ру атауы – Ажы, ол Әлпейіс ханнан тараған сұлтан Ажы төренің аты. Сондықтан кезінде бір матрөшке орысша «Ажа» деп сылқита салған қателік.


Бүгінде Ажы ауылында 60 астам түтін бар. Орта мектеп, мектеп алды даярлық мекемелері де бар бақуатты ауыл. Осы ауылға қандастарымыз көптеп орналасып, көңін төгіп, іргесін бекіткелі екі он саннан аса мерзім болды.
Ажы ауылының әр үйінде береке, әр көшесінде мереке, салтанат. Әсіресе жастары бірігіп туған жерді гүлдендіруді біржола қолға алғандай.
2022 жылы ауылдың орталық алаңына жасөспірім жас бала түгілі, сақа жігіттер де қысылмай ойнарлық футбол алаңы салынып, ауыл игілігіне берілді.
Міне қазақ қысының Отаны Көкпекті жеріндегі алты ай қызық үшін қыстың бел ортасында сол маңнан балаларға арналған ағаштан жасалынған заманауи сырғанақ бой көтерді.
«Тіпті мұндай сырғанақ ауданның басқа ауылында да жоқ» - масайрайды мектеп директоры, ауыл ақсақалы Әділбек аға.
Ауыл азаматтарының бірі, қазір де Семей қаласының тұрғыны, сырғанаққа басты демеушілік көрсеткен Қайрат Құмарұлы өзін қолдап, екі тәулік ішінде боранға қарамастан сырғанақты орналас-тыру жұмыстарымен айналысқан ауыл жастарының еңбегі орасан зор екенін айтты. - Алдағы уақытта балалар бұл жерде қыста ғана емес жаз мезгілінде де, асыр салып ойнай алады. Оғанда арнайы жаздық арнайы сырғанақ орналастырамыз, - дейді Қайрат Құмарұлы.
Алдағы жазда ауыл тұрғындары мен түлектері бірігіп, Ажы ауылына мейрамхана салуды жоспарлап отыр.
Бүгінде алпысқа жуық тұрғын үй орналасқан аядай ауылды аялай білген барша тұрғындар мен ауылдан шыққан азаматтардың осындай еңбегі баршаға үлгі десек болады. Ажы ауылы гүлдене берсін!

Қайрат Бесбайыс, Ажы ауылы

Пікір:

Директор-редактордың блогы

 Көкпекті аудандық  

«Жұлдыз - Новая жизнь» 

 газетінің сайтына

қош келдіңіздер!

 Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев. 

 

 

Күнтізбе

<< < Қаңтар 2023 > >>
Дс Сс Ср Бс Жм Сб Жс
            1
2 3 4 5 6 7 8
9 10 11 12 13 14 15
16 17 18 19 20 21 22
23 24 26 27 28 29
30 31          

Қаралым санағы

HotLog

Біз әлеуметтік желідеміз