Материалдар
ЖЕРЛЕСІМІЗ ДАНИЯР ҚАЙСАНОВ АЗИЯ ЧЕМПИОНЫ
-
Жарияланды 29 Сәуір 2019
-
Қаралды: 1276
Жерлесіміз Данияр Қайсанов еркін күрестен Қытайдың Сиянь қаласында өтіп жатқан Азия чемпионатының жеңімпазы.
Азия чемпионатында 74 келіге дейінгі салмақта өнер көрсеткен көкпектілік балуан Данияр Қайсанов қарсылас шақ келтірмей, құрлықтық жарыстың алтын жүлдесін олжалады. Жарыс жолындағы барлық қарсыласын айқын басымдықпен ұтқан Данияр финалдық белдесуде үнді балуанымен күресті. Моңғолия өкілі Отгонбаяр Батсуриді 8:1, Өзбекстан балуаны Артем Присяжнюкты 12:0 есебімен жеңген қазақ балуаны финалда 5:0 есебімен үндістандық Амит Кумардан басым түсті.
Жерлесіміз 2018 жылы Қырғызстан астанасы Бішкек қаласында өткен Азия біріншілігінде де жүлдегерлер қатарынан көрінген болатын. Сол додада Данияр қола медаль жеңіп алған еді. Былтырғы Азия ойындарында күміс жүлдеге қол жеткізгенін де білеміз. Енді, міне, Азия құрлығының алтын жүлдесін алды.
Азия ойындарынан оралған Данияр туған жеріне табан тірегенде алдағы үлкен жоспарларымен де бөліскен. Бізге берген сұхбатында құрлық біріншілігін бағындырып, әлем чемпионатында топ жаруға дайындық жаттығуларын бастап кеткенін айтқан еді. Басты мақсатым – «Токио 2020» деп нақты айтқан. Осы жолда Даниярдың аянбай еңбектеніп жүргені кәміл.
Күзде қазақ жерінде еркін күрестен әлем чемпионаты өтеді. Төрткүл дүниенің үкілеген бал-уандары бақ сынайтын додада жерлесіміз Олимпиада ойындарына жолдама жеңіп алады деген сенімдеміз. Арманың орындалсын, Толағайдың тастүлек қыраны!
Дархан БЕРДІБЕК
Пікір:
ВКонтактеДиректор-редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев.
Қаралым санағы
Біз әлеуметтік желідеміз
