Қыстың қытымыр мінезі енді біліне бастаған уақытта Алтынбековтар отбасы баспанасыз қалды. Үйден шыққан өрттің салдарынан тұрғын үй толығымен дерлік өртке оранған. Көкпекті ауылындағы Алтынбековтар отбасында 11 адам, оның ішінде екеуі зейнет жасында, алты баланың кенжесі жасқа толмаған. Өртке қарсы мекеме қызметкерлерінің анықтауынша, тілсіз жау электр сымдарының қысқа тұйықталуынан орын алған.
Қиналған сәтте азаматтық танытып, қол ұшын созып, азық-түлік, үй жиһаздары мен киім-кешекпен әркім мүмкіндігінше көмектессе. Осы шаңырақ иелеріне әлі де көмек қажет. Отбасының мектеп жасындағы балаларын киім-кешекпен, оқуға қажетті құрал-жабдықтармен қамтамасыз етіп, оларды мектепке дайындауға қамқорлық танытайық. Біз бұл ешкім күтпеген жағдайдан барлықтарыңызды тысқары қалмауға шақырамыз.

Осы оқиғаның құрбаны болған отбасыға шұғыл түрде көмек жинау қажет екені туралы хабарлаймыз және барлық тұрғындардан елеусіз қалмауын сұраймыз. Оларға киім, аяқ киім, төсек, матрастар, жастықтар, жиһаз (төсек, үстел, орындық) және т.б. заттар қажет. Кез-келген көмек қабылданады, қолданыста болған заттарда пайдаға жарамды болып табылады.

Заттарды жинау орны: Көкпекті ауылы, Көкпекті ауылдық округінің әкімдік ғимараты және Раев көшесі 7 үй.
Байланыс телефоны:
2-12-71, 2-11-57, 2-15-65

Пікір: