Аудан әкімінің қабылдауына жазылған азаматтардың өтініштері материалдық көмек көрсету, әлеуметтік және тұрмыстық мәселелерді шешу, жұмысқа орналасу жөнінде болды. Осы сұрақтар ағымдағы жылдың 2 қазанда өткен аудан әкімі А.Смаиловтың Самар ауылындағы жеке қабылдауында көтерілді. 

Көкжыра ауылының тұрғыны науқас баласына материалдық көмек көрсету туралы өтініш білдірді.Бұл мәселе аудандық комиссияның отырысында қаралатын болады. Асхат Сайдахметұлы шұғыл медициналық көмек қажет ететін науқас баланың пайдасына оң шешілуіне ерекше назар аударуды сұрады.
Бұдан әрі арыз берушінің тағы бір мәселесі тындалды. Азаматша Амангелді орта мектебінде 28 жылдан астам еден жуушы болып, кейін гардеробшы болып жұмыс істеген. Бірақ, зейнеткерлікке таяған жаста ол қысқартуға түскен. Зейнеткерлік демалысқа шығуына 4 жыл қалыпты.
Құлынжон ауылдық округінің әкімі С. Кұнафинге осы мәселе бойынша атқарылған жұмыстың нәтижесін баяндауға және бақылауға алуға тапсырма берілді.
Одан әрі Самар ауылындағы су құбыры желілерін қайта жаңарту бойынша мердігердің жұмысына көңілі толмайтындығы туралы самарлықтардың ауызша өтініштері айтылды. Ауыл тұрғындарының өтініштеріне орай аудан әкімі тұрғын үй-коммуналдық шаруашылық бөлімі нақты тапсырмалар жүктеді.

Пікір: