ҚОЛӨНЕРДІҢ СИҚЫРЛЫ ӘЛЕМІНЕ ЖОЛ НҰСҚАУШЫ

Article Details

Қолөнер-бұл еңбекқорлық ғана емес, ол сол іспен шұғылданғаннан ләззат алу. Біз бұған талантты қолөнерші Жанна Жабекова жетекшілік ететін «жұмсақ ойыншық» үйірмесінің сабағына қатысу арқылы көз жеткіздік.
«Жұмсақ ойыншық» үйірмесі 2018 жылдан бастап жүргізіліп келеді. Кейін ол балалар өнер мектебінде ашылған, ал қазіргі уақытта аудандық оқушылар шығармашылық сарайының құрамдас бөлігі ретінде жұмыс істейді.
Қазіргі уақытта үйірмеге 16 қыз бала қатысады. Олар аптасына бірнеше рет 3 топта қолөнер үйірмесіне келеді. Оқушылардың үлкені тоғызыншы сынып оқушысы, ал кішісі небәрі 1-сыныпта оқиды.

Read more

ЖЕРЛЕСІМІЗ «ҚАЗАҚСТАННЫҢ ҚҰРМЕТТІ ПЕДАГОГЫ» АТАНДЫ

Article Details

20 қазан күні Астана қаласында мемлекет басшысы Қасым – Жомарт Кемелұлы Тоқаевтың «Әділетті Қазақстанның экономикалық бағдары» атты жолдауын білім беру саласының мамандары арасында кеңінен насихаттау мақсатында «Bilim-Orkenieti» ұлттық инновациялық ғылыми зерттеу орталығының ұйымдастыруымен «Қазақстанның Құрметті педагогы» атты республикалық байқауы өтті.

Байқауға ауданымыздан Көкпекті орта мектебінің музыка пәнінің мұғалімі Жанғасинов Әли Қайратұлы қатысып, «Қазақстанның Құрметті педагогі» атты төсбелгі иегері атанды.
Байқау 2 кезеңнен тұрды. Бірінші қатысушылардың өзі жайлы жазылған өмірбаяны, 3 жылдағы ашық сабақ жоспары, алғыс хат, дипломдары ескерілді. Екінші видео сабақ бойынша өтті.

Read more

БІЛІМ БӨЛІМІНІҢ БАСШЫСЫ ЕСЕП БЕРДІ

Article Details

6 қараша күні кезекті брифинг өтті, оған аудандық білім бөлімінің басшысы Аслан Танысбаев пен БАҚ өкілдері қатысты. «Tolagai_news» ақпараттық порталының тікелей эфирі барысында брифинг қонағы Аслан Балабекұлы ауданымыздың білім беру саласында биылғы жылы атқарылған жұмыстарға тоқталып, өзекті сұрақтарға жауап берді.
Брифингті модератор Аяжан Амантайқызы жүргізіп отырды. Кіріспе сөзден кейін Аслан Балабекұлы өзінің қысқаша баяндамасын ұсынды.
- Көкпекті ауданында 18 мектеп және 3 мемлекеттік балабақша жұмыс істейді. Оқушылар контингенті 2262 адамды құрайды, мұғалімдер саны 539. Оның ішінде мектепке дейінгі білім беру саласында – 69, жалпы білім беру ұйымдарында – 413, қосымша білім беру мекемелерінде – 57.
Дарынды және қабілетті оқушылармен жұмыс жасау, оларды іздеу, анықтау және дамыту мектеп қызметінің маңызды аспектілері болып табылады. Ауданымыздағы оқушылар халықаралық шығармашылық байқауларға қатысып, 5 жүлделі орын, республикалық олимпиадалар мен байқаулардан 7 жүлделі орын, облыстық олимпиадалар мен конкурстардан оқушылар 75 жүлделі орынға ие болды.

Read more

ҮЛКЕНБӨКЕН АУЫЛЫНДА ЖАҢА МЕШІТ ПЕН ҚАТЫМХАНА АШЫЛДЫ

Article Details

Көкпекті ауданы Үлкенбөкен ауылында жаңа мешіт пен қатымхана ашылды. Алла үйін жеке кәсіпкер, Үлкенбөкен ауылының тумасы Ринат Солтабаев салып берді.
Қараша айының 10 жұлдызында Үлкенбөкен ауылында жаңа мешіттің ашылу рәсімі салтанатты түрде аталып өтті. Ауыл тұрғындарын қуанышқа бөлеген жиынға Көкпекті ауданының әкімі Ділдәбек Оразбаев, Қазақстан Мұсылмандары Діни Басқармасының Абай облысы бойынша өкіл имамы Асқар қажы Әбітайұлы, еліміздің барлық түкпірінен келген құрметті қонақтар қатысты.

Read more