БАЛА ТӘРБИЕСІНДЕГІ ӘКЕНІҢ РӨЛІ

Article Details

Тәрбие - тал бесіктен. Есте жоқ ерте замандардан бері қазақ халқының берік ұстанымына айналған осы нақылдың бұл күндегі маңызы қандай? Қазіргі қазақ отбасылары ұл-қыздарын қалай тәрбиелеуде? Ата-ананың ізгі парызына бала тәрбиесі кірсе, сол парызды кім қалай орындауда?
Бізді қоршаған орта соншалықты шулы, толассыз ақпарат, өсек-аяң, ақтау мен даттау, бірін-бірі аңду, кім қайда жүр, не ішіп, не киді... Мүмкін осы шудан болар, отбасындағы баланың қалауы, жылауы біз үшін артық болып көрінетіні анық. Көңіл бөлуді ақшамен алмастырып, мейірімді сыйлыққа айырбастадық, қолына құлтемірді ұстатсаң балаңыз жылауды қояды, болды! Бұл өте оңай.
Ал өз балаңызды осылай тәрбиелеп отыр-ғаныңызға қарамастан, ғаламтордағы жастарды сөгіп отырасыз: “Ата-анасы қайда қарап жүр?”, “Қоғам бұзылып барады”, - деп. Қит еткен дүниеге қоғамды кінәлаймыз. Қоғам адамдардан тұрады, құрушысы да бұзушысы да біз, адамдар. Сонда біз кінәлі болмағанда, басқа кім?!

Read more

ТҰРМЫСЫ ТҮЗУ ҚҰЛЫНЖОН АУЫЛЫНЫҢ БІР КҮНІ

Article Details

Құлынжон ауылдық округі – аграрлық әлеуеті жоғары, халқы еңбекқор, берекелі ауыл. Сәйкесінше ауылдың экономикалық серпіні де бөлек. Бақша шаруашылығы, құнды балық түрлерін өсіру, мал бағып, егін егуді кәсiп көзіне айналдырған ауыл тұрғындары ауданның әлеуметтік-экономикалық жағдайын дамытуға айтарлықтай үлес қосуда. 

Қыркүйектің 19 күні Құлынжон ауылының тыныс-тіршілігін толығырақ біліп, алдағы уақытта атқарылар жұмыстарға қанық болу мақсатында біз ауылдық округке ат басын тіредік. Бізді 35 жыл білім саласында еңбек етіп, ауыл әкімі тізгінін алғанына бір айдай уақыт болған жаңа әкім Самарқан Демесінұлы қарсы алды.
Самарқан Демесінұлының айтуынша, ауылдық округіне екі елді мекен Құлынжон және Көкжыра ауылдары қарайды. Округ ауылдары Құлынжон және Лайлы өзендерінің жағалауларында орналасқан, сондай-ақ маңайында Құлынжон көлі бар. Әкімшілік, пошта, кітапхана, учаскелік полиция бөлімшесі орналасқан ауылдық округ аппаратының ғимаратына 2017 жылы күрделі жөндеу жұмысы жүргізілген. Жаңадан салынған, қайта жаңғыртудан өткен әлеуметтік нысандар да ауыл ажарын ашып, көрікті мекенге жаңаша сән беруде. Ресми мәліметтерге сүйенсек, округте 60 шаруа қожалығы және «Казнаковка», «Восток Фиш», «Кузмич» жауапкершілігі шектеулі серіктестіктері жұмыс істейді.
- Ауыл шаруашылығы туралы айтатын болсақ, мұнда көкөніс шаруашылығы және бақша шаруашылығы кеңінен дамыған, олар округ аумағында жұмыс істейтін шаруа қожалығының бірі «ағайынды Зүлфиевтер». Олардың қызметінің негізгі бағыты болып табылады. Негізінен дәнді, майлы, көкөніс және жем - шөп дақылдары өсіріледі, - деп атап өтті округі әкімі.

Read more

АУЫЛДЫҢ МӘДЕНИ ОРТАЛЫҒЫНА АЙНАЛДЫ

Article Details

Адам баласы - шексіз зерденің ғана емес, ғажайып сезімнің иесі. Туған жер - әркімнің шыр етіп жерге түскен, бауырында еңбектеп, қаз басқан қасиетті мекені, талай жанның өмір-бақи тұратын өлкесі. Оны қайда жүрсе де жүрегінің түбінде әлдилеп өтпейтін жан баласы болмайды. Туған жерге, оның мәдениеті мен салт-дәстүрлеріне айрықша іңкәрлікпен атсалысу - шынайы патриотизмнің маңызды көріністерінің бірі болып табылады.
Иә, туған жер - адам баласының кіндік қаны тамған, жанына, журегіне жақын, алтын ұясы. Оның топырағы, тауы мен тасы да ыстық болады. Әркімге өз ауылы, туған жері қымбат. «Тудым, өстім, есейдім», – деп ақындарымыз жырлағандай, ауыл гүлденсе бұл қазақ халқының байығанымен тең. Себебі, әрбір қазақ ұл-қызының шыққан ортасы ол ауылдық мекендер. Ауылдың түтіні, самал желі, айраны мен құрты, даладағы ас пісіп жатқан ошағы, сарқылдап қайнап жатқан самаурынның шайы, таза ауасы - баға жетпес асыл қазынасы. Осындай ауылдың тұрмыс-тіршілігіне сырттай қарап отырсаң, балалық шақтың өскен ортасын, еш уайымсыз өтіп жатқан күнделікті тұрмыс-тіршілікті әрбір қазақ баласы сағынары сөзсіз.

Read more

КӨРКІ КІРГЕН КӨШЕЛЕР

Article Details

«Бір жол бар жақын, жақын да болса алыс. Бір жол бар алыс, алыс та болса жақын» деп бекер айтылмаған. Мұның мәні қазіргі жолдардың сапасында жатыр. Яғни жол сапалы жөнделсе, жолаушы жолдың азабын тартпай, айшылық алыс жерлерге тез жете алады. Керісінше жолдың сапасы сын көтермесе, жүргізушілерді әбден әбігерге салады. 

Аудандағы ең өзекті мәселелердің бірі ауыз су мен жол болып табылатыны белгілі. Біздің ауданда биылғы жылы өзекті мәселелер оңтайлы шешімін тауып, халықтың игіліне жұмсалуда. Солардың бірі Көкпекті ауылындағы Заречный кентінде игілігі мол іс толық жүзеге асырылып жатыр. Атап айтқанда жаңа саябақ құрылысы, көшелердің жөнделуі ауыл тұрғындары үшін қуанышты жағдай. Аталмыш жөнделу жұмыстары туралы ауыл әкімі Қайрат Алғазыұлы Алғазин әңгімелеп берді.

Read more

ЖОЛДАУ БАСЫМДЫҚТАРЫ ТАЛҚЫЛАНДЫ

Article Details

Мемлекет басшысы Қасым-Жомарт Кемелұлы Тоқаевтың биылғы «Сындарлы қоғамдық диалог – қазақстанның тұрақтылығы мен өркендеуінің негізі» атты Жолдауы өзінің нақтылығы әрі дәлелділігімен айшықталды. Стратегиялық мазмұны бар құжатта анықталған бес міндеттің әрқайсысы еліміздің бүгіні мен ертеңі үшін аса маңызды.

Ағымдағы жылдың 16 қыркүйегі күні аудан әкімдігінің үлкен мәжіліс залында Мемлекет басшысы Қасым-Жомарт Тоқаевтың Қазақстан халқына арнаған Жолдауындағы белгіленген тапсырмаларды іске асырудағы ауданның атқарушы органдарының жұмысы туралы» актив жиыны өтті. Аудан әкімінің орынбасары Жасұлан Талғатұлы Майкенев төрағалық еткен актив жиынына ауыл әкімдері, құқық қорғау органдарының басшылары, мекеме басшылары, «Нұр Отан» партиясы филиалының, этно-мәдени бірлестіктерінің, ардагерлер кеңесінің, кәсіподақ ұйымдарының жетекшілері, білім, денсаулық сақтау саласының, жастар ұйымдарының өкілдері қатысып отырды. Жиын барысында алғашқы сөзді аудан әкімінің орынбасары Жасұлан Талғатұлы өзі алып, тұщымды баяндама жасап, Жолдауда белгіленген міндеттер мен мақсаттарды жүзеге асыру үшін бірқатар бөлім, мекеме басшыларына тапсырмалар берді.

Read more

МЕМЛЕКЕТ БАСШЫСЫ АУЫЛДЫ ЖӘНЕ АГРОӨНЕРКӘСІП КЕШЕНІН ДАМЫТУ МӘСЕЛЕЛЕРІ ЖӨНІНДЕ КЕҢЕС ӨТКІЗДІ

Article Details

Мемлекет басшысы агроөнеркәсіп кешенін дамыту ісіндегі нақты мәселелердің бар екеніне назар аударып, Үкімет пен жергілікті атқарушы органдардың алдына бірқатар міндет қойды.

Атап айтқанда, Қасым-Жомарт Тоқаев әлемде тұрақты әрі жоғары сұранысқа ие тиімділігі жоғары дақылдарды (жасымық, зығыр, соя) өсіруге көшу есебінен еңбек өнімділігін арттыру қажеттігін айтты. Оның айтуынша, органикалық ауыл шаруашылығы өндірісін дамытып, заманауи агротехнология мен инновацияны енгізу керек.
– Үкімет агрохимия қызметін күшейту, гербицидтердің, минералды тыңайтқыштардың және элиталық тұқымдардың қолжетімділігін қамтамасыз ету жөнінде түбегейлі шаралар қабылдауы қажет, – деді Президент.
Мемлекет басшысы Үкіметке өндірістің ел аумағында орналасу әлеуетін зерттеу арқылы ауыл шаруашылығы техникалары паркінің тозуына қатысты мәселені шешуді тапсырды.Әлемдік тәжірибені ескере отырып минералдау негізінде топырақтың құнарлылығын жақсарту – маңызды міндет. Мемлекет басшысы бұл мәселені шешу үшін шетелдік инвесторларды тарта отырып, ел аумағында тыңайтқыштар мен пестицидтер шығаратын дайын лицензиясы бар зауыттар салуды тапсырды.

Read more