Бүгінгі таңда жол қауіпсіздігін қамтамасыз етудің өзектілігі артып келеді. Қазір ауылда да, қалада да үлкен көшелер және онда жүйткіген автокөліктер көбеюде. Көше кеңейген са-йын ерсілі-қарсылы жаяу жүргіншілер мен жүргізушілердің де көбейетіні даусыз. Соңғы жылдары ауданымыздың қай жерінде болмасын автокөліктердің барлық түрлері еселеп артып келеді. Мұның өзі машина жүргізушілер мен жаяулардың, әсіресе мектеп оқушыларының жол ережесін неғұрлым жете біліп, қатаң сақтауын қажет етеді. Көшенің тәртібін үйде ата-ана ескертсе, көше қиылысында күзет қызметкерлері мен бағдаршам қадағалайды. Ал балалар көше ережесін жақсы біліп, оны орындауға, сақтауға тиіс. Біздің жазғы мектеп жанындағы сауықтыру лагерінің балалары «Жол әліппесі» туралы түсініктерін кеңейтті. Балалар жол жүру ережелерін еске түсіріп, жол белгілерінің түрлері және олардың мақсаты, сондай-ақ бағдаршамның функциялары туралы мәлімет алды. Жол жүру ережесіне байланысты білімдерін көрсетіп, жол белгілері мен топтарын анықтап, әртүрлі жағдаяттарды шешіп, өздерінің білімдерін толықтырды.

Пікір: