Шебер ұстаздың мақтанышы - дарынды оқушысы болса, дарынды оқушы – мектептің және елдің мақтанышы.
Мектебіміздің қазақ тілі мен әдебиеті пәнінің мұғалімі Куеубаева Саягүл Назарбекқызы да дарынды оқушыларының жетістіктерімен сан мәрте мақтанып та марқайып жүрген ұстаздардың бірі. Осы сөзіміздің дәлелі, ағымдағы жылдың 2 қарашасында Семей қаласында Абай Құнанбайұлының 175 жылдығына арналған «Ұлттың ұлы мұрасы» атты халықаралық өнер және білім фестивалі өткізілген болатын. Қазақстанның түкпір-түкпірінен, Ақтөбе, Атырау, Түркістан, Павлодар т.б. өңірлерден жиналған бұл үлкен додаға Мамай ауылы Аманкелді атындағы орта мектебінен апарған үш оқушысы да жүлделі орындарға ие болды.

Атап айтқанда, 8 сынып оқушысы Махаббат Куеубаева көркемсөз оқудан күміс жүлдеге лауреат, 9 сынып оқушысы Алқа Кактаева мәнерлеп өлең оқудан күміс жүлдеге лауреат атағына ие болса, 9 сынып оқушысы Балғын Шаяметова көркемсөз оқудан ІІ дәрежелі диплом иегері, яғни дипломант атанды.
Бұл орайда балаларына қолдау көрсеткен ата-аналардың еңбегінің зор екенін айтпай кетуге болмас. Осындай ынтымақтастығы жарасқан (ұстаз, ата-ана, оқушы) жандардың әлі талай асуларды бағындыратына сеніміміз мол.

Ж.Төлеубаева,
Мамай ауылы «Аманкелді атындағы орта мектебі», «Зерде» дарын орталығының жетекшісі

Пікір: