Көкпекті ауылындағы «Көкпекті-Толағайы» балабақшасындағы «Жұлдыз» және «Пчельки» тобының тәрбиешілері Асел Сарманова мен Гүлнара Ибраимова ұйымдастыруымен «Берекелі алтын күз» ертеңгілігі өтті.

Күз мерекесіне орай ұйымдастырылған бұл ертеңгіліктің ерекшелігі балдырғандар мен ата-аналардың барлығы жеміс-жидек пен көкөністің кейпіне еніпті. Уілдей соғып, айнала билеп ортаға келген жел балаларды бір сергітіп, ойын-ойнатып көңілдерін көтерді. Осы жылдың иесі ақ қоян өзінің соңғы айларында тамаша мереке өткізіп жатқан балаларға келіп, алғысын білдіріп, олармен қызықты ойын ойнады.
Балалар күз, отан туралы тақпақтар айтып, ән шырқады. Күз ханшасы келіп, балаларға күзгі бақ, көрінісін ұсынды. Бақшабай атайдың бақшасында піскен қызанақ, орамжапырақ, қияр, сәбіз тағы басқа көкөністер өз өнерлерін көрсетті.
Ең үлкені үштен асқан балалардың тәтті тілі мен қылықтары көрермендерді баурап алды. Ата-аналар осы топтың тәрбиешілеріне алғыс айтып тарасты.

К.Туенбаева,
балабақшаның қазақ тілі пәні мұғалімі

Пікір: