«Әдебиет – ұлт жаны» атты көптеген оқулықтардың авторымен кездесу кеші өтті. Кешіміздің қонақтары Айман Советқызы Ақтанова Шәкәрім университетінің қазақ әдебиеті кафедрасының профессоры, филология ғылымдарының кандидаты,Д.Бабатайұлы атындағы ақындар мектебінің директоры және майор Қуаныш Екібасов М.Әуезов атындағы педагогикалық колледжінің алғашқы әскери дайындық мұғалімі.

Кездесу барысында жаңартылған білім беру мазмұны аясында оқу бағдарламасының ерекшеліктері, оқулықтардың тұжырымдамасы және олардың құрылымы мен мазмұны, оқу-әдістемелік кешендер бойынша ұйымдастырылған талдау жұмыстарын көрсетті. Кештің шымылдығын «Тәуелсіздік жолында» атты желтоқсанның қанды оқиғасы Қайрат Рысқұлбековтың ақтық сөзімен басталды. Сондай-ақ мектеп оқушыларының орындауында «Атамекен» патриоттық әні, мектебіміздің түлегі Дулат Манарбековтың орындауында «Айттым сәлем Қаламқас», «Город мой» әні, Рая Насивханның «Ғасыр әлдиі» термесімен жалғасты. Кездесу кешіміздің соңында ұстаздар қауымы сертификаттармен марапатталды. Мектеп кітапханасына 4 томдық «Алаш» кітаптары сыйға тартылды.

А.Нұрғазина, Р.Көбелдесова
Үлкенбөкен мектеп – балабақша кешені
Қазақ тілі және әдебиеті пәнінің мұғалімдері

Пікір: