Самар ауылдық округінің жастары бастамасымен ауылдағы білім беру мекемелері арасындағы «Біз ЖҚБТ-ға, нашақорлыққа, маскүнемдікке қарсымыз» атты сурет салу байқауы өтті. Байқаудың басты мақсаты нашақорлықтың - ғасыр дерті екендігін, нашалық заттардың адам өміріне аса қауіптілігін ұғындыра отырып алдын алу, саналы да салауатты өмір сүруге тәрбиелеу болып табылады.

Ауылымыздағы білім ордаларының оқушыларынан осы тақырыпта салынған барлығы 45 сурет, 29 желтоқсан күні «Самар агро-техникалық» колледжінде өткен көрмеге қойылды. Осы көрмедегі суреттерге баға беру үшін арнайы құрылған әділқазылар алқасы үздік деп танылған суреттерге өз бағаларын берді. Суреттердің ішінен үздік шыққан туындылар : «Дәншік» балабақшасынан Ксения Гельмерт, Мадина Дузбаева, «Ромашка», «Айгөлек», «Құлыншақ», «Қарлығаш» топтарының бүлдіршіндері салған суреттер, №1 Самар орта мектебінен Александра Колесникова 8 «а» сынып, Виктория Филатова, 9 «б» сынып, Юлия Болде, 8 «б» сынып Кристина Прокопьева, Антанида Дуборина 5 «б» сынып, Виталина Степанова 5 «а» сынып және 11 сынып оқушыларының суреттері, «Самар бастауыш мектебінің» 4 «в» сынып оқушылары Ислана Сармурзакова, Карина Ермаленко, Марина Ермаленко, Дилназ Оразумбетова салған туындылар үздік деп танылды.
Орын алған қатысушыларға ауылдық округі әкімінің атынан арнайы алғыс хаттармен мадақтау қағаздары табыс етілді.

Самар балалар өнер мектебінің ақпараты

Пікір: