Мемлекет тарапынан педагогтердің біліктілігін арттыру әркез жүзеге асырылуда. Қазіргі таңда «Үш тілде білім беруді дамытудың 2015-2020 жылдарға арналған жол картасы» аясында өзге мұғалімдер секілді менде ағылшын тілінен алған базалық білімімді әрі қарай жетілдіріп Өскемен қаласында «Шығыс» аймақтық орталығы ұйымдастырған курстан өтіп, «ХХІ ғасыр педагогы» атты сертификатына ие болдым.

Мектеп оқушылары халықаралық олимпиадаларға химия пәнінен көптеп қатысуда. Ал осы олимпиадалар мен ғылыми жобалар ағылшын тілінде қорғауды қажет етеді. Көп жағдайда химия пәнін жақсы меңгерген оқушылар ағылшын тілін жетік білмегендіктен осындай мүмкіндіктерге қол жеткізе алмай жатады. Осы кедергілерді жою мақсатында, мектепте өтілетін пәндерді үш тілге негіздей отырып өткізген тиімді. 2018-2019 оқу жылын химия пәнін ағылшын тілінде оқытуды 8-сынып оқушыларымен бастадым. Химия пәнін ағылшын тілімен байланыстыра оқыту оқушылардың сөздік қорын кеңейте отырып, жаңалық ашуға, әртүрлі бақылаулар, тәжірибелер жүргізуге құлшындырады. Қарапайым көрсетулер оқушыны өз бетімен ізденуге, танымдық және шығармашылық икемділіктерін дамытуға бағыттайды. Ағылшын тілін білу біздің жастарға шексіз мүмкіндіктер ашады. Ағылшын тілі - әлемдік бизнес тілі, оны меңгеру – жастарға әлем танудың кілті болмақ.

Г.Елеусізова,
Қ.Аухадиев атындағы орта мектебі
химия пәнінің мұғалімі

Пікір: