13-19 қараша аралығында өтіп жатқан «Қауіпсіздік жол жүрісі» акциясы аясында І.Жансүгіров атындағы орта мектептің бастауыш сыныптарында «Жүргізуші! Менің өмірімді сақта!» атты сыныптан тыс іс-шара өткізілді. Шара бастауыш сынып мұғалімі Гүлжан Орынбасарқызы Биназарова ұйымдастыруымен өтті.

Сынып бөлмесі талапқа сай безендіріліп, интерактивті тақтада жолда жүру ережесіне сай жасалынған слайд бастауыш сынып оқушылары үшін тақырып мазмұнын толықтыра түсті. Сыныптан тыс өткен тәрбие шарасында бастауыш сынып оқушылары өз білімдерін топтық, жұптық, жеке жұмыстар арқылы көрсетіп белсенділік танытты. Қазіргі заман талабына сай өмір қауіпсіздігі шарасын ұйымдастыра білген білікті, өз мамандығын бақытым деп білетін ұстаз Гүлжан Орынбасарқызы мектебіміздің мақтанышы. Осы білім ордасындағы 35 жылдық еңбек тәжірибесі жас ұстаздарға үлгі-өнеге мектебі десе болады.
«Ұстаздық еткен жалықпас, үйретуден балаға» деген ұлағатты сөздің мәнін ұғып, өзінің мамандығын жақсы көріп, бар өнері мен білімін жас ұрпақты тәрбиелеп, өмірден өз орындарын табуға жетелеген ұстаздың еңбегі мақтан етуге тұрарлық.

Р.Әбішева,
І.Жансүгіров орта мектебінің тәлімгері

Пікір: