Қазақстан Республикасы Тәуелсіздігінің 25 жылдық мерейтойына Көкпекті ауданы бойынша «25 жыл – Бірлік пен Жасампаздық» атты 25 жұлдызды күн іс-шаралар жоспарына сәйкес 22 қараша «Мемлекеттік рәміздер күні» деп белгіленді. Бұл күні аудан бойынша және Самар ауылдық округіндегі барлық мекемелер мен ұжымдарда бір мезгілде еліміздің Әнұра-ны шырқалды. Самар ауыл-дық округі әкімшілігінің мәжіліс залында да салтанатты түрде Әнұран орындалды.

Самар ауылдық округінде «Тәуел-сіздіктің 25 шыңы» атты мерекелік іс-шаралар жоспары бекітілді. Оның алғашқы күні Самар ауылындағы Келісім үйінде еліміздің Конституциясына арналып өткізілді. Бұл шараға №2 аудандық соттың төрағасы Н.Нұралинов қатысты. Сонымен бірге, 21 қараша күні модераторы Е.Сауых болған «Бүкіләлемдік ЖИТС-пен күрес күні» тақырыбына «дөңгелек үстел» өтті.
«Тәуелсіздіктің 25 жылдығына - 25 жұлдызды күн» атты бекітілген жос-пар бойынша әр күн сайын пайдалы әрі танымдық іс-шараларға толы болып, еліміздің басты мерекесін лайықты қарсы алуға самарлықтар өз үлестерін қоса береді. Жұлдызды күндер жалғасын табуда.

Клара НҰРПЕЙІСОВА

Пікір: