Күз маусымы мерекелі ай. Жомарт күз әрбір үйдің дастарханын түрлі дәмге, қоймасын дәнге толтыратын берекелі ай. Келесі күзге дейін есте қалатындай етіп қасиетті айдың қадірін арттыру мақсатында Көкпекті ауылындағы Ж.Шайжүнісов атындағы орта мектепте 3-4 сыныптар арасында «Күз Ханшайымы» байқауы болды.
Мерекеге 3 «а» сыныбынан Аида Жеңісова, 3 «б» сыныбынан Дина Ақылбаева, 4 «а» сыныбынан Мұңият Шағыбай, 4 «б» сыныбынан Алтынжан Асқанбаева қатысты. Жарыста қыздар өздерін, әсем көйлектерін, шаш үлгілерін таныстырады. «Күзгі сыйлық» сайысында күзгі көкеніс, жемістерден әділқазыларға арнап әсем сый жасады. Аспаздық өнерлерін көрсетіп күзгі салаттар әзірледі, барлық өнерлерін ортаға салып ән айтты, би биледі, мәнерлеп өлең оқыды. Қатысушы қыздарымыз жылдамдығы мен тап-қырлығын таныты.

Осы сайыстың қорытындысы бойынша «Күз ханшайымы - 2016» Аида Жеңісова атағына лайықты болды. Қалған қатысушы қыздар әртүрлі ата-лымдарға ие болып, барлық жеңімпаз қыздарға сыйлықтар берілді.

Клара ҚАЙЫПЖАНҚЫЗЫ

Пікір: