30 қыркүйек күні біз «Өрнек» балабақшасының ашылғанына екі жылдық туған күнін атап өттік. Тәрбиеленушілеріміздің «Саңырауқұлақтар» биімен басталған мерекеде «Өрнек» ЖШС балабақшасының директоры Ержан Тұрсынханұлы құттықтау сөз арнады. «Балабақша ханшайымы-2016» байқауымен жалғасқан шараға «Балапан» және «Тәй-тәй» топтарынан Ақнұр Марат, Аяулым Серікқалиева, Дания Асқарова, Алтынай Баймадиева сынды әдемі де тәп-тәтті бүлдіршіндер қатысты. Әр кезеңнің арасында туған күн мерекесімен құттықтауға келген аудандық мәслихат депутаты Райфа Сафиоллақызы, Кеңес Одағының батыры Қойгелді Аухадиев атындағы округтің әкімі Д.Қойгелдин, мектеп директоры Н.Окитаеваға құттықтау сөз кезектері берілді.

Балабақша бүлдіршіндері арасында испан, «Кемпірқосақ» билерімен өнерлерін ортаға салып, көрермендерді қуантты. Осылайша сайыс өз мәресіне жетіп, әділқазылар алқасы бас жүлдені сайыскерлерден дараланып үздік шыққан балабақша ханшайымы атағын Аяулым Серікқалиеваға табыс етті. Ал, басқа бүлдіршіндер «Көркем қыз», «Сыпайы қыз», «Өнерлі қыз» аталымдарына ие болды. Шараның соңында кішкентай аруларымыздың ата-аналары құттықтау сөз сөйлеп, алғыстарын білдірді. Осылайша балабақшамыздың туған күні үлкен мереке болып атап өтіліп, көпке дейін бәрінің есінде қалатындай шара болды.

Г.Тұрлыбекова, «Өрнек» балабақшасының меңгерушісі

Пікір: