Қазақстандағы білім беруді ха-лықаралық стандарттарға сәйкес-тендіру мақсатында Республика, облыс, қала көлемінде пәндік олимпиадалар, сан қырлы зияткерлік байқаулар әр жыл сайын өткізіледі.
Осының бір айғағы – Петропавл қаласында өткен оқушылардың Республикалық пәндік олимпиадасы. Бұл олимпиадаға биылғы мектеп бітіруші түлектер республика көлемінде қатысып, өздерінің бағын сынап, «Жүзден жүйрік, мыңнан тұлпарлар» анықталды. Сол тұлпарлардың бірі және бірегейі ауданымыздың мақтанышы, Қ.Раев атындағы Көкпекті балалар үйі тәрбиеленушісі, Көкпекті орта мектебінің намысын қорғап жүрген 11 сынып оқушысы Анна Раздомина. Дарынды қыз оқушылардың республикалық пәндік олимпиадасына қоғамдық-гуманитарлық бағыттағы қазақ тілі пәні бойынша қатысып, жүлделі ІІІ дәрежелі дипломға ие болды. «Ұстазы жақсының ұстамы жақсы» дегендей, оқушы мен мұғалім бірлесіп ізденген жағдайда жақсы нәтижеге қол жеткізуге болады. Осы тұрғыда көп жылғы еңбек өтілі бар өз ісінің майталманы, шебер де шығармашыл ұстаз, қазақ тілі мен әдебиеті пәнінің мұғалімі – Майра Советбекқызын ерекше ілтипатпен айтуға болады. Себебі, Аняның жыл сайынғы олимпиадаларда жүлделі орындарды қанжығалауында ұстазының еңбегі де бар екені бәрімізге аян.
Білім бәйгесінде оза шапқан қызымыз, мектеп түлегі Аняға сәттілік серік болсын дейміз!

Клара ҚАЙЫПЖАНҚЫЗЫ

Пікір: