Қазақстан Республикасы Тәуелсіздігінің 30 жылдығына орай «Тәуелсіздігім – азаттығым, бақ күнім» атты тәрбие сағаты ауылдық кітапханада өтті. Кітапханашы Республикамыздың дамуы мен қалыптасу тарихымен таныстырып, «Тәуелсіздік тұғыры» кітап көрмесімен таныстырды. Бұл тәрбие сағатына Абай атындағы орта мектебінің 6-сынып оқушысы Кенжибаев Ернұр, 4-сынып оқушылары Нұрахман Қымбат, Кенжибай Мадина, Кабир Диляра, 2-сынып оқушысы Нұрахман Алуа белсенді қатысты. Шара аясында Абай атындағы орта мектебінің оқушылары өнер көрсетті. Оқушылар шарада Тәуелсіздіктің 30 жылдығына арналған өлеңдерін оқып, жыр шумақтарын арнады. Кітапханашы 1986 жылғы желтоқсан оқиғасында алаңға шыққан жастардың ерік-жігері, қазақ халқының тәуелсіздік жолындағы ерлік күресімен ғасырлар бойы басынан өткен қиыншылықтарын айта келіп, осы оқиғалардың қатысушылары туралы әңгімеледі. Тәрбие шарасында қатысушы оқушылар Тәуелсіз Қазақстанның болашағы жайлы өз ой-пікірлерін ортаға салып, естелік суретке түсті.

Ж. Маулханова, кітапханашы

Пікір: