Аудан әкімінің ауылдарды абаттандыру бойынша тапсырмасымен әр ауылдық округ сібір шыршасын әкеліп, оны отырғызу жұмыстарын жүргізді. Көкжайық, Аққала және Қойгелді Аухадиев атындағы, Үлгілімалшы ауылдық округтерінде шырша көшеттерін отырғызу бойынша белсенді жұмыстар жүргізілді. Акцияға қатысушы барлық азаматтар аса белсенді қимыл танытты.
8 жылдық шыршалардың биіктігі 1 метр-ден жоғары екен. Көшет отырғызуға әрбір ұйым жұмыла қатысты. Қойгелгелді Аухадиев атындағы ауылдық округінде барлығы 350 шырша көшеті отырғызылса, ал Аққала ауылдық округіне Катонқарағай ауданындағы ұлттық парк аумағынан әкелінген 220 түп сібір шыршасының көшеті әкімшілік ғимаратының алдына, Жеңіс саябағына, Октябрь мектеп-балабақша кешені алаңына, Жана-Жол, Қараөткел мектептерінің маңайына отырғызылды.

Бұдан бөлек, Көкжайықтықтар да игі істен қалысқан жоқ. Жалпы, көшет отырғызу акциясына ауылдық округ әкімшілік қызметкерлері, мектеп, балабақша ұжымдары белсенді түрде атсалысты.Ал, Үлгілімалшы ауылдық округіне Катонқарағай ұлттық паркінен арнайы 120 түп шырша жеткізілді. Ауылымыздың жастар саябағына 30 түп шырша, Мамай ауылының Аманкелді орта мектебіне 80 түп шырша отырғызылды. «Жұмыла көтерген жүк жеңіл» дегендей ауылдың көркеюіне ат салысып жүрген ауыл тұрғыны Нұрбек Тұраров және белсенді жастарымыз Д.Тлеумбетов, С.Солтанбеков, М.Назкеев сынды азаматтар қол ұштарын созды.

Пікір: