Бастаушы ауылдық округінде Халықаралық Қарттар күніне арналған ауқымды іс-шара өткізілді. Аудан әкімі А.Смаиловтың берген тапсырмасы бойынша ауылдық клуб ғимаратының бір бөлмесі ардагерлерге арналып, күрделі жөндеуден өтті. Жөндеу жұмыстарын жүргізуге Б.Рапеков, Е.Дюсупов, Е.Мамбетов округтегі ірі шаруа қожалық басшылары демеушілік көрсетті. Салтанатты жиын ауылдық округ әкімі А.Отаршинаның құттықтау сөзімен басталды.

Сондай-ақ, біздің ауылымызға ат басын бұрған Көкпектілік ақын Манарбек Ақанұлы қазыналы қарттарымызға, ақ жаулықты апаларымызға өз өнерін көрсетті. Ауылымыздың белсенді қариялары ауылдық округ әкімінің алғыс хатымен марапатталды. Салтанатты жиыннан соң ардагерлер бөлмесінің ашылу салтанаты өтті. «Асыл мұра» клубының әжелері шашу шашып, Абай орта мектебінің ұжымы апа-аталарымызға арнап мерекелік дастархан жайды. Дастархан басында қарттарымыз көңілді әңгіме өрбітіп, ескі әндер шырқады. Ауылдың алты аузынан айтыс ұйымдастырылды. Көңілді отырыстың соңы осы шараны ұйымдастырушыларға алғыс, тілектер айтып, бата берумен аяқталды.
Бастаушы ауылдық округі ақпараты

Пікір: