Әдет-ғұрып, ырым-тыйым, жөн-жорал-ғыларымызды жадына тоқыған ата-әжелеріміз асыл қазына – кемел кітап сынды. Кеуделері шежіреге толы қарияларымыздың қадірін біліп, бағасына жете білсек ата-салттан ажырамағанымыз шығар. Жылына бір келетін Қарттар күнінде тақиялы аталарымыз бен ақ жаулықты әжелеріміздің жүзінде шуақ ойнап, көңілі шалқып, мерейі тасып қалады.

Биғаш ауылдық округінде 1-қазан Халықаралық қарттар күні аталып өтілді. Ауыл қарттарына арналып ауылдағы білім ордасы В.Маяковский атындағы негізгі мектеп оқушыларының ұйымдастырумен мерекелік концерт қойылды.
Мерекелік кеште округтің дамуына ұзақ жылдар еңбегі сіңген зейнеткер Рауия Алпысқызы Наурызбаева, ауыл әкімі Дулат Оспанов, мектеп директоры Архат Қабденов қарияларға жылы лебіздерін білдірді.
Сондай-ақ, қартарымызды мерекелік кешін өткізуге демеушілік көрсеткен атымтай жомарт жандар Владимир Виничук, Азамат Каликов, Өмірбек Серікбаев, Александр Шынтеміров, Серік Қалиев, Медет Әкежановқа округ әкімшілігі атынан алғысымыз шексіз.

Биғаш ауылдық округінің ақпараты

Пікір: