Табиғаттың әрбір маусымы ерекше болатыны сөзсіз. Әр жыл мерзімінің өзіне тән қызығы бар. Соның ішінде жер бетін ақ көрпесімен қымтаған қыс мезгілі де кіршіксіз аппақ қарымен, сықырлаған аязымен, ұйқыға кетіп мүлгіген тауларымен ерекше.

Күннің аязына қарамай, өткен сенбі күні Көкжайық орта мектебі әкімшілігінің ұйымдастыруымен сенбілік өтті. Әр оқушы, мектеп ұжымы ауызбіршілікпен сенбілікте белсенділік танытты. Сенбілік жұмыстарына 7-11 сыныптардан ер балалар және ер мұғалімдер тартылды. Оқушылар алдымен өздерінің сүйікті алаңдарын, яғни хоккей қорабын қартан тазартып, соңынан мектеп ауласына кірісті. Ал ер мұғалімдер болса, барлық сақтық шараларын сақтай отырып, мектеп төбесіндегі белуардан келіп жатқан қарды көзді ашып-жұмғанша күреп шықты.
«Тәрбие тал бесіктен басталады» демекші, осы сенбілікті ұйымдастырған мектеп әкімшілігінің түпкі мақсаты, мектепті қардан тазартып алу емес, осы жұмысқа тартылған әр баланың бойына еңбексүйгіштік қасиетті сіңіру.

Н.Меирманова,
жетекші маман, Көкжайық ауылы

Пікір: