Таяу арада «Нұр Отан» партиясының Көкпекті аудандық филиалы Тассай бастауыш партия ұйымында бастауыш партия ұйымдарының төрағаларының басын қосқан семинар өткізді. Семинарға Көкпекті өңірі бастауыш партия ұйымдарының төрағалары қатысты. Семинар «Партиялық жобаларды жүзеге асырудағы аудандық партия филиалы жұмысының ролін арттыру» туралы болды.

Алдымен сөз алған аудандық партия филиалы төрағасының орынбасары Г.Ақшабаева партияның жаңа форматтағы жұмысында әлеуметтік топтардағы нақты мәселелерді шешуге бағытталған 12 партия жобасының бағыттары мен мақсаттары туралы түсіндірді. Әр жобаның маңыздылығына тоқталды. Бастауыш партия ұйымдарының төрағаларына жұмыс барысында пайдаланатын тетіктер мен ресурстарды анықтап, партиялық іс-шаралардың маңызын есепке алу қажеттігін айтты.

Тассай бастауыш партия ұйымының төрайымы С.Чалова «Партияның сайлауалды тұғырнамасын және партиялық жобаларды жүзеге асыру туралы» өзінің іс-тәжірибесімен алмасты. Бүгінгі күні ауыл белсенділері бірлесе отырып Ұлы Отан соғысының 70 жылдығына даярлықтары жөнінде айтты. Партия мүшесі, зейнеткер К.Оразбаева Ұлы Отан соғысының 70 жылдығын дұрыс қарсы алу үшін әрбір ауыл тұрғыны үлесін қосу керек, -деді. «Жас Отан» жастар қанаты атынан сөз алған Б.Байгереев қазіргі ауыл жастарының белсенді іс-әрекеті туралы өз пікірін айтты.

Аудандық партия филиалының есеп секторы А.Анкебаева мүшелік жарнаның төленуі және есепке алынуы туралы ақпарат берді. Соңында партия мүшелеріне жаңа үлгідегі партия билеттері табыс етілді.

Ш.Галиева «Нұр Отан» партиясының мүшесі, клуб үйінің көркемдік жетекшісі

Пікір: