Ораза айтының алғашқы күні Көкпекті ауылында орталық аудандық мешіті және жамағатының ұйымдастыруымен жүгіріс жарысы өткізілді. Ерлер және қыз балалар арасында өткізілгеген жаяу жарыс тартысты да қызықты болып өтті.

Барша жамағат болып, айт намазы оқылған соң, мешіт алдындағы қазақы киіз үйге айт дастарханы жайылды. Күні бойы ақ ниетпен жайылған дастарханнан дәм татуға келген кісі үзілмеді. Осы күні өткізілген жарысқа ерлерден 31 адам қатысып, 4 шақырымға жүгірсе, 2 шақырымдық ұзақтықта жүйріктіктерін сынаған қыз балалар саны 6 болды. Желаяқтар бәсекесінде ерлер арасында 1 орын Рүстем Арыновтың еншісіне тисе, 2 орынды Мүслім Анарбеков, ал 3 орынды Заур Кәлкенов иеленді. Қыз балалар арасында алғашқы болып мәреге жеткен Мөлдір Өмірбекова 1 орынға ие болып, Алсу Ибрагимованың еншісіне 2 орын тиді. Ал Күншуақ Сақанқызы 3 орынға тұрақтады. Жүлделі орын иелері марапатталып, арнайы сый ақыларға ие болды. Атап айтар болсақ, 1 орынға 15000 тг., 2 орынға 10000 тг., ал 3 орынға 5000 тг. көлемінде сыйақы тағайындалған болатын. Сонымен қатар, жарыстың ең жас қатысушы 7 жасар Айбарыс Назипке арнайы марапаттау қағазы және 5000 тг. сыйақы табысталды.

Жансая СМАҒҰЛОВА

Пікір: