Ел тұтқасын ұстаған Елбасының «Жаңғырту – 3.0. Жаһандық бәсекеге қабілеттілік» Қазақстан халқына жолдауында алға қойылған бағыттарды орындау елеулі міндет. Аталған мақсаттарды жүзеге асыру аясында Мариногорка ауылдық округінде тұрғын халықтың әлеуметтік жағдайын жоғарылату, ауыл шаруашылығын дамыту, сондай-ақ, кіші және орта бизнесті дамыту салаларында белсенді жұмыстар жүргізіліп жатыр.
- Мемлекет басшысы Нұрсұлтан Назарбаев кезекті жолдауында ел экономикасын жаңғыртудың үшінші кезеңі – Қазақстан экономикасын қарқынды технологиялық жаңғырту басталғанын айтты. Уақыт бір орында тұрмайды, ол әрдайым тарих кітабының жаңа парақтарын ашады. Демек, жаңғыру да тарихпен бірге жалғасын тауып отырады. Зымыраған уақыттың көшінен қалмай, түтіні түзу ұшатын ел болу үшін маңызды қадамдарға әрдайым дайын болып, үлкен өзгерістерге бейімделе білу қажет. Бұл біздің еліміздің әр азаматының жарқын болашағын өздігінен құруына мүмкіндік беретін үлкен жол, - дейді округ әкімі Қайдар Сұрашев.

Қазіргі таңда Мариногорка ауылдық округінде меншіктерінде жалпы 80 трактор, 31 комбайн, 22 жүк көлігі мен 102 автокөліктері бар 48 шаруа қожалығы жұмыс істейді. Кіші және орта бизнесті дамытуда белсенді еңбек етіп отырған 5 ЖШС бар. Қожалықтардың еншісінде 16539 гектар жер болса, соның ішінде 10963 гектар егістік, 1441 гектар шабындық алқаптары болып табылады. Дәнді дақылдардың орташа шығымдылығы шамамен 1 гектардан 9-10 центнер.
Сонымен қатар, «Өңірлерді дамыту» бағдарламасы бойынша инфра-құрылымды жақсарту мәселесі жүзеге асырылуда. 2016 жылы аталмыш бағ-дарлама аясында 1 млн. 077 мың теңге бөлініп, Мариногорка ауылының Зеленая және Школьная көшелеріне ағымдағы жөндеу жұмыстары жүргізілген болатын. Биылғы жылы Мариногорка ауылындағы ұзындығы 700 метрді құрайтын Мира қиылысындағы жолға ағымдағы жөндеу жұмыстары жүргізілді.
- Алдағы уақытта Мариногорка ауылындағы мәдениет үйінің шатырына жөндеу жұмыстары жүргізіліп, орталық көшелер жарықтандырылады деп жос-парлануда. Сонымен қатар, балалар және спорт алаңдарын салуды көздеп отырмыз, - дейді ауыл әкімі.

Пікір: