Қазіргі кезеңде елжандылық тақырыбы, оның ішінде жаңа қазақстандық патриотизм мәселесі барлық қоғамдық, мемлекеттік, сая-си, мәдени-рухани тақырыптардың өзегіне айналуда. Қазақстан Республикасы Президенті Қазақстан халқына Жолдауында «оқыту үдерісінің тәрбиелік құрамдасын күшейту қажеттілігін» ерекше ескерткен және олар-дың ең бастыларының қатарында «патриотизм, мораль мен парасаттылық нормалары, ұлтаралық келісім мен толеранттылық, тәннің де, жанның да дамуы, заңға мойынұсынушылық» аталып өткен, сонымен қатар, «бұл құндылықтар меншіктің қандай түріне жататынына қарамастан барлық оқу орындарында да сіңірілуге тиіс».

Мұндай патриоттық тәрбиелі жұмыстардан біздің ауданымыз шет қалып жатқан жоқ. 13 сәуір күні Көкпекті орта мектебінде аудандағы әскери-патриоттық клубтар арасында сайыс өтті. Сайыстың мақсаты, жас ұландарды отан-сүйгіштікке, адамгершілікке, азаматтық па-триоттыққа, төзімділікті арттыру, дене шынықтыру, жылдамдыққа тәрбиелей отырып, жастарды әскери борышын өтеуге даярлау. Сайыста ерек-ше көзге түскен Ж.Шайжүнісов атындағы орта мектептің М.Қалматаев атындағы әскери-пат-риоттық клубының оқушылары 1 орын алып, мамыр айында өтетін облыстық сайысқа жолдама алды.
Тәрбиелік маңызы зор шараны өз деңгейінде өткізу үшін Көкпекті Жастар орталығы, аудандық қорғаныс істері бөлімі, аудандық білім беру мекемесі ат салысты. Ал сайысты жүйелі өткізуді Көкпекті орта мектебінің алғашқы әскери дайындық пәнінің мұғалімі Б.Рахимов өз жауапкершілігіне алған. Бар күш жігерлерін жинап, денелерін шынықтырып, сынға түсуге аудан мектептерінен 4 команда қатысты. Мектептің алғашқы әскери дайындық пәндерінің мұғалімдері өз ұландарын бәйгеге қосу үшін сақадай сай дайындықпен келгендерін бірден аңғартты. Жетекшілерімен қоса жас сарбаздар да әскери форма киінген. Химиялық шабуылдан қорғаныс киімін жылдамдыққа кию, турникке тартылу, оқ ату сынды спорттың түрінен аламанға түскен ұландарымыз бірінен-бірі асып түсіп, намысқа тырысып жатты. Жігіттерден кем емес күш жігерлерін бойға жинап, намысты қолдан бермеу үшін тер төккен арулар да қалыс қалып жатпады. Мәре соңында, білектің күшімен, ептілік, жылдамдықпен бәйгенің әр түрінің биігінен көрінген Ж.Шайжүнісов мектебінің ұландары болды. Жалпы қорытынды бойынша 1 орынды, Ж.Шайжүнісов жеңіп алса, 2 орынға Көкпекті орта мектебі табан тіреді, 3 орын Үлкенбөкен және Үлгілімалшыдан келген Абай орта мектебі қанжығаларына байлады. Барлық жеңімпаздарға арнайы мадақтау қағаздары мен сыйлықтар табысталды.
Ұлт болашағы, ұрпақ тәрбиесі осыны санасына құйып өскен жас ертең өз Отанының патриоты болып шығатыны анық. Кеудесінде бұл менің елім, менің жерім дейтін сенім ұялата білген жас қана өз елінің патриоты бола білмек. Ол үшін «баланы жас-тан» дейтін халық даналығын естен шығармасақ болғаны. Жас ұрпақты патриоттық, отансүйгіштік рухта тәрбиелеу еліміздің өсіп-өркендеуі жолында маңызды рөл атқарады.

Клара ҚАЙЫПЖАНҚЫЗЫ

Пікір: