Ауыл шаруашылығы қызметкерлері күні ауданымызда жыл сайын ерекше сән-салтанатпен аталып өтіледі. Халықтың әл-ауқаты мен өмір сапасының жақсы болуы ауыл шаруашылығының дамуымен тығыз байланысты. Бұл – экономиканың ең маңызды саласының бірі. Халық тұтынысына қажетті тауарлардың басым бөлігі ауыл шаруашылығы есебінен қамтамасыз етіліп отыр. Бар күш-жігерін дәл осы салаға салып, ырыздығын жерден көрген дихандар үшін бұл басқосу дүбірлі думанман деңгейлес. Себебі шаруалар жаздай көрген қиыншылығының жемісін осындай думанды кеш аясында айқын сезінеді. Бір жылдық еңбегінің бағасын біледі. Машақаты мол міндеті үшін зор марапат алады. Аудан аумағында аталып өтілген айтулы күн аясында ауылшаруашылық саласы мамандарын жергілікті билік өкілдері құттықтады.

Мәдени шараға ауданның мемлекеттік мекеме басшылары, аудан кәсіпкерлері, шаруа қожалықтарының басшылары, ветеринария және ауылшаруашылығы салаларының мамандары қатысты.
Шара барысында ауданның осы уақытқа дейiнгi ауыл шаруашылығы саласында қол жеткен жетiстiктерi паш етiлген көрме ұсынылды. Аталмыш көрмеде Самар ауылындағы «Мәмбет» ШҚ нан өнімдері, «Рыбпром» ЖШС-ның балық өнімдері, Көкжыра ауылындағы «Көкжыра сүт» ШҚ өнімдері, Көкпекті ауылындағы бал өндірумен айналысатын «Рустам» ШҚ балдары және Теректі ауылындағы жеке кәсіпкер Бибітгүл Сағатбекованың наубайханасының өнімдері қойылды.
Жиылған қауымды аудан әкімі Асхат Сайдахметұлы Смаилов ауылшаруашылығы қызметкерлерінің кәсіби мерекесімен құттықтап, ізгі тілегін білдірді.
- Біз бүгін өңірдің ауылшаруашылығы қызметкерлерінің бір жылдық жұмысын қорытындылап, сала мамандарына құрмет көрсетуге жиналдық. Ауылшаруашылығы – ел экономикасын алға сүйрейтін жетекші салалардың бірі. Ауылшаруашылығы саласында еңбек еткендердің үміті келешекте өзін-өзі толықтай ақтайтынына баршамыз сенеміз.

Шаруа қожалықтарының мемлекет тарапынан көрсетіліп жатқан көмегін алып, өз істерін дамытып жатыр. Елбасы Нұрсұлтан Назарбаев «Болашақта әлемнің ең тұрақты валютасы – азық-түлік болады» деп бекер айтпаған, - деп атап өтті өзінің құттықтау сөзінде аудан әкімі. Сондай-ақ, қажырлы еңбектерiмен ауданымыздың экономикасының дамуымен қатар қоғамның әлеуметтiк тұрақтылығының нығаюына да қомақты үлес қосып жүрген ауыл шаруашылығы еңбеккерлеріне амандық, береке мен бірлік және толағай табыс тіледі.
Сонымен бірге ауылшаруашылығы күніне орай бірқатар ауыл еңбеккерлеріне сый-сияпат жасалды. Ең алдымен Шығыс Қазақстан облысы ауыл шаруашылығы басқармасы басшысының мадақтамасымен Юрий Виничук, Берік Бакатбаев, Болат Жармұхамбетов, Ерболат Батыров, Харис Сейфиев, Ғалым Байжұминов, Дәулет Қарықболов, Қуат Закариянов марапатталды.
Ауыл шаруашылығы саласындағы көп жылғы және жемісті еңбегі үшін Көкпекті ауданы әкімінің «Еңбек Ардагері» медалімен Камалбек Кисин, Армия Бектасов, Совет Оразаев, Манап Сарманов, Слямбек Мұқашев, Айдархан Сыдықов, Қапез Баймолдин, Айғали Оразғалиев, Тоқан Жазнаев, Қабылбек Әлімов, Мәуітбек Оразбаев, Жәнібек Дайырбеков, Бақытбек Құнафин, Төлеген Жақыпбаев, Ғинаят Богубаев, Кәртай Құдайбергенов, Николай Карчев, Оралбек Қозығұлов, Тұрсынбек Закиров, Мирон Лискеевич, Александр Шаров, Сағындық Сатыбалдин марапатталды.
Сондай-ақ, аудан әкімінің «Ауданның әлеуметтік-экономикалық дамуына қосқан үлесі үшін» медалімен В.Виничук, Б.Бекбердинов, Е.Мәмбетов, Ж.Күшікбаев, Қ.Дюсембаев, Е.Қойгелдин, М.Каликовқа берілді. Ал, «Ауыл еңбегі» медаліне А.Бойков, Х.Фахрудинов, Е.Омаров, Г.Сарымсақова, С.Уйсенов, Қ.Желдыбаев, Р.Мұхамадиев, С.Зейнуллин, М.Жакупов, А.Нароженов, М.Лопаткин, М.Құмаров, Р.Раев, О.Сеңгербаев, Қ.Баймолдин, Қ.Турукбаев, Е.Сағандықов, Т.Бекбердин, А.Шынтеміров, Н.Абдрахманова, Д.Изгутдинов, Қ.Әбікенов, М.Хабидолданов, Ә.Көкбаев, Ж.Отаров, С.Смаилов, М.Игіліков, Ж.Байназаров, Б.Рапеков, Р.Құдайбергенов, М.Құдайбергенов, Б.Құмаров, Ә.Рапеков, А.Воротников, А.Қажығалиев, Е.Буленбаев, В.Батраков, А.Токашев ие болды.
Сонымен қатар, бұл күні аудан әкімінің мадақтама қағазымен шаруа қожалық басшылары мен малдәрігерлері марапатталды. Олар: Виктор Виничук, Қ.Түсіпжанов, Ж.Бауедимов, Е.Болде, К.Хощянов, З.Қалиева, М.Булькенов, М.Тілеукенов, Қ.Тілебалдин, Ж.Ибрагимов, А.Смағұлов, Т.Ахмадиев, Қ.Қалдыбаев, Қ.Оңғарбаев, А.Макаров, Е.Солтанбаев, С.Нұрпейісов, К.Жолдыбаев, Ж.Әмірхан, Е.Нұрқанов, М.Нұралин.
Ал, аудан әкімінің мерекелік Алғыс хатын ауданымыздағы бірқатар шаруа қожалықтарының басшылары алды. Атап айтсақ, «Әрсен» (М.Сарымсақов), «Маңырақ» (А.Кәрібаев), «Бұлақ» (Н.Егеубаев), «Арман - 1» (Д.Далбин), «Әділет» (Е.Байсақалов), «Асанәли» (М.Казақпаев), «Римма» (Р.Шаймарданов), «Мереке» (Б.Айтышев), «Жігер» (С.Құсайынов), «Сейіт» (С.Абылқайыров), «Алеке» (Ш.Құнанбаев), «Рахимбек» (С.Жолдыбаев), «Ғабдуалиұлы» (Н.Разханов), «Үш терек» (Ә.Рапеков), «Ақшаған» (М.Ақшағанов), «Құнғожа» (М.Кұнғожин), «Ельдар» (В.Белаусов), «Миролюбовка» (Е.Бородин), «Нива» (И.Порохов), «Нұржан» (А.Смаилов) берілді.
Салтанатты мерейлі мерекеде еңбектегі зор табыстары үшін аудан әкімінің Алғыс Хатымен және бағалы сыйлықтарымен аудандағы ШҚ және ЖШС-нің бригадирлері мен механик, механизатор, комбайнерлері Ә.Тоқтарбаев, Қ.Оразаев, Т.Ұлықбаев, Ф.Қалбағаев, А.Ибраев, А.Есмұханбетов, М.Смағұлов, Р.Назинов, Р.Исенов, В.Петров, А.Семенов, Қ.Қошқарбаев, Е.Уалиев, С.Клыжко, С.Смак, Н.Ташубаев, Д.Исинғазин, Е.Уатаев, С.Небылица, Б.Аққазин, С.Қаражігітов, Т.Омарбеков, Ю.Грядкин, Е.Абдулхаликов, Н.Бибосынов, Ж.Тоқтаров, С.Ибраев алды.
Салтанатты шара аудан өнерпаздары және Балалар өнер мектебі оқушыларының әзірлеген үлкен мерекелік концертке ұласты. Қалың жұрттың қамын ойлап, қамбаны алтын астықпен толтырып, келер жылдың жос-парын қазірден-ақ әзірлеп жатқан дихандар қауымына жергілікті жамағаттың айтар алғысы көп. Оларға деген орасан зор ілтипатын мәдениет саласының мамандары да өз өнерлері арқылы білдіріп жатты. Жерге дән сеуіп, елге нан берген дихандар мерекесін олар әнмен әрлеп, бимен қыздыра түсті.
Ауылшаруашылық еңбеккерлерінің айтулы мерекесінде, мерейлі мерекеге жиналған ел-жұрттың ізгі тілегі.
Бақытбек Айтышев, Семей қаласының тұрғыны:
- Құрметті жерлестерім, еңбектеріңіз жер жүзіндегі ең қажетті де, аса маңызды қызметке арнаған кәсіби мерекелеріңізбен шын жүректен құттықтаймын. Халықтың «Ас атасы - нан» деген дана сөзінің терең мағынасы өмірдегі қоғамның барлық даму кезеңдерінде құпталып келеді. Осы сәтті пайдаланып, ауданымыздың бетке ұстар азаматтары Ержан Қойгельдин, Болат Бекбердинов, Жұмабек Күшікбаев сынды артымнан ерген інілеріме туған ауылдары үшін игі істеріне ағалық алғысымды білдіргім келеді.
Ауыл шаруашылығының еңбекшілері мен ардагерлеріне еліміздің өркендеуіне, жаңа еңбек жетістіктеріне жетуге зор денсаулық, ырыс, құт- береке, бақыт тілеймін.
Тұрсынтай Закиров, Ауыл шаруашылық саласының ардагері, Сарыбел ауылы:
- Құрметті ауыл еңбеккерлері, ардагерлер! Кәсіп-тік мереке Ауыл шаруашылығы қызметкерлері күні құтты болсын! Диқандардың, малшылардың, механизаторлардың, басқа ауыл шаруашылығы мамандарының еңбегі - ел экономикасын дамытуға қосылған баға жеткісіз үлес.
Сіздерді кәсіптік мерекелеріңізбен шын жүректен құттықтай отырып, баршаңызға мықты денсаулық, өркендеу, құт-береке және Отанымыз Қазақстан Республикасының игілігі үшін жаңа да жоғары еңбек жетістіктерін тілеймін!
Төлеухан Ахмадиев, «Салтанат» ШҚ басшысы, Шұғылбай ауылы:
- Елбасы Нұрсұлтан Әбішұлы Назарбаев Еліміздің тағдырындағы ауылдың маңыздылығына мән беріп былай айтқан: «Жер абаттанса, ел ауқаттанады. Ауылдың амандығы - елдің амандығы». Бұл сөздердің мағынасы терең екені сөзсіз. Әрбір елдің, мемлекеттің бар болуы, әрі дамуы экономиканың осы саласына, оның ахуалына тура тәуелді болады. Сондықтан да, осы салада еңбек етіп, өзінің бар күш-жігерлерін жұмсап отырған қызметкерлерге - нағыз еңбекқор адамдар деп айтсақ, болар. Сіздердің еңбектеріңіздің арқауы - ауданымыздың сондай-ақ, облысымыз бен еліміздің мәртебесі.
Мұрат Булькенов, «Қарақас» ШҚ басшысы, Теректі ауылы:
- Ауыл шаруашылық қызметкерлері күні қарсаңында сіздерді келе жатқан кәсіби мерекелеріңізбен құттықтай отырып, ауылшаруашылық саласын өркендетуге үлес қосқан сіздерге, сіздер арқылы барлық аграрлық саланың қызметкерлеріне шын жүрегімізден алғысымызды айтып, келешекте де зор табыстар тілеймін.
Ауылда еңбек ететін жандардың барлығына зор денсаулық, отбасыларына береке мен молшылық, тәуелсіз Қазақстанның игілігі үшін жасап жатқан еңбектеріне табыс тілеймін!

Пікір: