Материалдар

2014 жылдың   26 - 30 желтоқсаны аралығында республикада тұратын Ұлы Отан соғысының   5 115 ардагерінің әрқайсысын облыс, қала, аудан әкімдері құттықтап, Мемлекет басшысының атынан сыйлық табыс етті. Қазақстан бұрынғы кеңестік кеңістікте ең алғашқылардың бірі болып, ТМД елдері арасында Ардагерлер жылы болып жарияланған 2015 жылдың және Ұлы Отан соғысындағы Жеңістің 70 жылдық мерейтойы қарсаңында ресми шаралар ұйымдастырды.

Шығыс Қазақстан облысының әкімі Д.Ахметов облыстағы жалпыұлттық акция аясында облыс орталығында тұратын ардагерлерді құттықтап, оларға құттықтау хаттарын, Президенттің өмірі туралы кітап, жаңажылдық тәттілер салынған себет пен    iPAD сыйлады.

Көкпекті ауданында ардагерлерді аудан әкімінің м.а.   Р.Сағындықов  құттықтап, Елбасы атынан құттықтау хатты және сыйлықтарды табыстады. Аудан басшысы қаһарман ерлерге Отан қорғауда танытқан ержүректіктері мен патриоттық сезімдері, жауынгерлік рухтары үшін алғыс айтты.-Біз сіздермен бұл тарихи дата – Ұлы Жеңістің 70 жылдық мерейтойын лайықты қөарсы алайық, бұл сіздердің қаруластарыңызды еске алатын ұлы күн. Сіздерге және отбасыларыңыз бен туған-туыстарыңызға бақыт, зор денсаулық тілеймін,-деді     Рамиль Нығметжанұлы.

Көкпекті ауылында тұратын Ұлы Отан соғысының ардагері  Илья Бирюков   Рамиль Нығметжанұлымен әңгімеде соғыс ылдарындағы қиындықтар, өзінің жауынгерлік жолдары туралы әңгімеледі. Ардагер ел Президенті Н.Назарбаевтың және аудан басшылығының көрсетіп отырған қамқорлығы үшін алғыс айтты.     – Мен барлықтарыңызға көрсеткен қамқорлықтарыңыз бен ілтипаттарыңыз үшін алғысымды білдіремін. Еліміздің Президентіне біздің Отан алдындағы еңбегімізді ұмытпай бағалағаны үшін зор алғыс. Жаңа жылда еліміз өркендеп, алға қарай қарыштай берсін. Біздің ең басты байлығымыз татулық пен бірлік, соны көзіміздің қарашығындай сақтайық.       

Бұл акцияға аудан әкімінің орынбасарлары да қатысып, ауданның шалғай ауылдарында тұратын ардагерлерді үйлеріне барып құттықтады. 

Жаңа жыл қарсаңында осындай қамқорлыққа ие болған ардагерлер Елбасына тек қана 9 мамырда емес, жай күндері де көңіл бөлетіні үшін ризалықтарын білдірді. 

Екатерина СКУДАРНОВА

Пікір: