Материалдар

Еліміз егемендік алған күннен бастап Елбасы Н.Ә.Назарбаев өңірлерді өркендету, қалалар мен ауылдарды абаттандыру және көгалдандыруға үлкен мән беріп, жүйелі жұмыстың барысын қатаң бақылауда ұстап келеді. «Туған жер – тұғырың» деген аталы сөз бар. Сондықтан, ауыл көшелерінің әсем де әдемі, таза да көрікті болуы көпшілікпен бірге атқарылатын, тәрбиелік және мәдени мәні жоғары іс деп білген жөн.

Шұғылбай ауылында бірнеше жылдан бері бұл бағытта көптеген игілікті жұмыстар атқарылып

келеді. Соңғы жылдары өңірде абаттандыру, көгалдандыру және санитарлық тазалық жұмыстарын ұйымдастыруда біршама оң тәжірибе жинақталды. Нәтижесінде тал-дарақтар отырғызу, көшелер мен арық-атыздарды тазалаудың жақсы дәстүрі қалыптасты. Осындай істерге тазалық күндері, сенбіліктер мен айлықтар өткізу үрдісі оң ықпал етуде. Өйткені, тазалық әр тұрғынның өзінен басталады. Ал, ең бастысы, таза көшелер, ол - ауылдың айнасы болып табылады.

Әкімшілік ғимаратының алдындағы әсемдікпен қырқылған ағаштар ауылға ерекше сән беріп тұрғанын көзің шалады. Ауылдық мешіт пен мектеп аулаларында жайқалған гүлдер өсірілген. Абаттандыру шараларында гүлдер мен ағаштардың түптері, айналасы арамшөптерден тазартылған. Көшелердің барлығына жарықтандыру ісі жүргізілген. Түн патшасы өз үстемдігін алған кезде де Шұғылбайдың шамдары жұлдыздармен таласып жарқырап тұрады. «Бизнестің әлеуметтік жауапкершілігі» меморандумы аясында шаруа қожалығының иелері ауыл көшелеріне құм төгіп, туған ауылдың көркеюіне өз үлестерін қосты. Шұғылбайлықтар абаттандыру жұмыстарына белсене араласып, еңбексүйгіштіктерін танытуда. Бұл тұрғыда ауданымыздағы барлық ауылдық округтердің Шұғылбайды үлгі тұтарлық жөні бар.

Жансая СМАҒҰЛОВА

Пікір: