2014 жылғы ҰБТ-ға жалпы саны (279-дан) 61% құрайтын 170 мектеп түлектері қатысты. Оның 155-і қазақ тілінде оқитын, 55-і орыс тілінде білім алатындар.

Ұлттық тестілеугетек Қ.Аухадиев атындағы және Көкжота орта мектептерінен 100% қатысты. Ал Ж.Болғанбаев атындағы орта мектептен –88,9%, Үлкенбөкен мектебінен - 85,7, А.Пушкин атындағы мектептен - 80% тапсырды. ҰБТ-ға Көкжайық орта мектебінен 27,3% және М.Әуезов атындағы мектептен 36,8% қатысушылар саны аз болды.

2014 жылдың ҰБТ нәтижесі (5 пән бойынша) орташа 78,6 баллды құрап, (2013 жылғы орташа 67,2 баллдан) 11,4 баллға артық болды.

А.Пушкин атындағы, Новотимофеевка және Палатцы мектептерінен өзге барлық білім ордаларында орташа баллдың жоғарылағаны байқалды.Ағымдағы жылы жалпы білім беретін мектептердің ішінен ең жоғарғы орташа балл Үлкенбөкен орта мектебінде (94,5 балл), І.Жансүгіров атындағы (88,2 балл), Октябрь мектебінде (86,1 балл).

Аудандық деңгейден жоғары көрсеткішке жеткен ауданның 11 мектебін атауға болады. Олар: Үлкенбөкен (94,5), І.Жансүгіров (88,2), Октябрь (86,1), Преображенка (85,9), Көкжайық (84,7),А.Пушкин атындағы (83,8), М.Әуезов атындағы (82,0), Қ.Аухадиев атындағы (81,8), №1Самар мектебі(79,8), Мариногорка (79,3), Көкпекті (79,2). Аудандық көрсеткіштен төмен балл алған 8 мектеп бар. Олар: Абай атындағы (Үлгілімалшы ауылы) (77,3), (Бастаушы ауылы) Абай атындағы(77,0),  Ж.Болғанбаев атындағы (75,7), Ж.Шайжүнісов атындағы (74,2), Көкжота (70,9), Казнаковка (69,3), Палатцы (64,0),Новотимофеевка (60,8).

Негізгі 4 пән бойынша 50 баллдық деңгейлік шектен төмен көрсеткішті 14% құрайтын 24 түлек алды. Бұл өткен жылдағымен салыстырғанда 2% кем (2013 жылы деңгейлік шектен төмен балл алған түлектер саны - 35).

2014 жылы «Алтын белгіге»10 мектептен 14 үміткер болған. Олардың 6-ы нәтиже көрсете алды. Бұлар – Мұқатаева Ақбота (І.Жансүгіров атындағы мектеп), Қожамбетова Қымбат (Октябрь мектеп-балабақша кешені), Бекбердинова Ақмаржан (Көкжайықмектебі),Гармашова Виктория (Көкпекті мектебі), Зарыпханов Темірхан (Ж. Болғанбаев атындағы),Құмаров Нұрлан (Ж.Шайжүнісов атындағы мектептің) оқушылары. ҰБТ қорытындысы бойынша ауданның 3 оқушысы үздік аттестат алады – Құсманова Алуа (Преображенка), Аққозинова Кәмила (№1 Самар мектебі),  Дәуітбай Дәурен(№1 Самар мектебі)

Аудан бойынша ең жоғарғы көрсеткішке жеткен түлектер - №1 Самар мектебінен Аққозинова Кәмила - 122 балл, І.Жансүгіров атындағы мектептен Мұқатаева Ақбота – 118 балл, Ж. Болғанбаев мектебінен Т.Зарыпханов пен Көкжайық мектебі А.Бекбердинова,В.Гармашова Көкпекті мектебі – 112 балл, Преображенкадан А.Құсманова 111 балл жинады. Атап айтсақ, аудандағы 21 түлек 100-ден жоғары балл алды.

4 мектеп бітіруші 5 екілік алды. Оның 3 екілігі математика пәні бойынша, 1-еуі орыс тілінен, 1-еуі биологиядан.

2008 жылдың 18 наурызында шыққан № 125 «Үлгерімді ағымдағы бақылаудың типтік ережелерінің» 21 пунктін негізге ала отырып, бұл оқушыларға мектептерде сәйкес пәндерден қайтадан емтихан түріндегі қорытынды аттестациялау өткізіледі.

Ш.Мұстафинова, білім беру бөлімінің басшысы

Болашақтың жарқын болуы қазақстандық әр азаматтың өз қолында. Тәуелсіз Қазақстан бүгінгі әлемнің ең серпінді дамып келе жатқан елдерінің бірі. Саяси өміріндегі елдің күн тәртібіндегі тұрған негізгі мәселелер:

-Халқымыздың рухани-моральдық құндылықтарын дамыта беру

-Білім мен кәсіби даярлықты әлемдік деңгейге көтеру

-Жаңа заманауи технологияларды игеру

Сонымен қатар, соңғы жылдары елімізде құрылыстың теориясы мен тәжірибесі орасан зор дамуда. Өндірістік және азаматтық, қоғамдық ғимараттар қажеттілігінің өсуі, және де осы саланы Үкіметтің белсенді қолдауының нәтижесінде өз елімізде өндіріп шығарылған құрылыс материалдары, бұйымдары мен конструкцияларын пайдалану көлемі артуда. Жылдан-жылға тұрғызылып жатқан тұрғын үй көлемі артып, ескі үйлер орнына зәулім, әсем, жаңа заман талаптарына сай ыңғайлы ғимараттар бой көтеріп өркендеу үстінде.

Бұл аталған сала инвестициялық тиімділігі бойынша да алдыңғы қатарлы сала болып табылады. Адам, ұрпақ - бұл әлемдік ең жоғарғы құндылық. Жас ұрпақтың қажеттіліктерін іске асыру, оның өмірін бай-қуатты ету, бәсекелестікке қабілетті әлемдік деңгейде білім беру, жақсы төленетін еңбек және зейнеткерлікті барлық мүмкіндіктермен қамтамасыз ету мақсатында Елбасымыз Н.Ә.Назарбаевтың көрегенділігімен тәуелсіз Қазақстан халқына арналған «Қазақстан-2050», «Мәңгілік ел» стратегиялық даму бағдарламалары дүниеге келді.

Семей қаласының Шәкәрім атындағы мемлекеттік университеті «Құрылыс» және «Құрылыс материалдарын, бұйымдарын және конструкцияларын өндіру» мамандықтары бойынша біліктілігі жоғары инженер, инженер-жобалаушы, инженер-құрылысшы, инженер-технолог, инженер-техник ретінде жоғары білімді мамандарды даярлауда, оларға барынша жағдайлар жасау көзделінген.

Университет түлектері республикамыздың немесе шет елдердің кез келген алдыңғы қатарлы құрылыс компанияларында және озық технологиялы өндіріс орындарында жұмыс істей алады. Біліктілігі жоғары, бәсекелестікке қабілетті мамандық иесі келесідей кәсіптік қызмет түрлерімен айналыса алады және мүмкіндіктері бар: 1) Қажетті көрсеткіштердің тұрақтылығын қамтамасыз ету, жаңа технологиялық шешімдерді енгізе отырып, өндірісті тиімдендіру, технологиялық процеске тиянақты бақылау жүргізу; 2) Жобалық құрастыру - құрылыс материалдары, бұйымдары мен құрылымдары өндірісі кәсіпорындарын қайта құрастыру бойынша жобалар жасау; 3) Өндірістік бақылау - құрылыс материалдары мен құрылымдардың өндірісі кәсіпорындары немесе олардың құрылымдық бөлімшелерінде ұйымдастыру жұмыстарын жүргізу, бақылау және оларды басқару; 4) Тәжірибелік-зерттеу - технологиялық процестерді оңтайландыру мен өндірілетін өнім сапасын жоғарылату мақсатында тәжірибелік-зерттеу және есептеу, ғылыми зерттеу, сынау-тәжірибелік жұмыстарын жүргізу; 5) Ғылыми педагогикалық – жалпы білім беретін мекемелерде ғылыми педагогикалық қызметпен айналысу; 6) Жобалық іздестіру мекемелерінде заманға лайық бағдарламаларды пайдалана отырып, жұмыс жасау; 7) Жобалаудағы озық технологиялар мен есептеу бағдарламаларын қолданудың әдіс-тәсілдерін, ғимараттың конструктивтік элементтерін есептей білу, ЖОО орнында алған білімді тиімді пайдалана білу.

Бүгінгі таңда «құрылыс» және «құрылыс материалдарын, бұйымдарын және конструкцияларын өндіру» мамандықтары бойынша оқып жатқан студенттер мамандық таңдауда дұрыс шешім қабылдаған. Себебі, осы мамандықтар бойынша еліміздегі өндірісті дамытуда ең озық жаңа технология түрлері көбеюде және мемлекет тарапынан қолдау да аз емес. Жоғарыда аталған мамандықтардың тиімділігі артып, сонымен қоса, осы жоғарғы оқу орнын тәмамдаған түлектердің еліміздің түкпір-түкпірінде жұмысқа орналасуына толық мүмкіндіктер бар деп бағалауға болады.

Ж.Уркинбаева, аға оқытушы, Шәкәрім атындағы мемлекеттік университет