Мариногорка ауылдық округінде мәдениет үйінің алдында сағат 10.00-де «Ұлы Жеңіс жылдары!» атты мерекелік іс шара тойланды. Салтанатты шеруге ауыл тұрғындары, мұғалімдер, оқушылар келді. Шеруге барлығы 13 тыл ардагерлері шақырылды. Салтанатты шара мемлекеттік Әнұранмен және тыл ардагерлерін округ әкімі Қ. Сурашев пен мектеп директоры А. Айдарғазина құттықтау сөздерімен жалғасты. Құттықтау сөзден кейін бір минуттық үнсіздік жарияланды 10 сынып оқушылары саптық жүріспен «даңқ ескерткішіне» гүл тізбесін қойды. Айтулы іс шара мектеп оқушылары және ұстаздары, әкімшілік және ауыл тұрғындарының қатысуымен мерекелік концертке ұласты. Концертте жеңіске арналған әуезді әндер, өлеңдер, әдемі билерін тарту етті. АӘД мұғалімі У. Токтаров ««Журавли»», ауыл тұрғыны З. Айдарханова «Аналар туралы баллада», вокал «Бейбіт күн тілегі» «День победы» сынды әндерін тарту етті. Сонымен қатар, кішкентай бүлдіршіндерімізбен бірлесіп ауыл тұрғындары көріністер көрсетті. «А закаты алые», «Отмените Войну» 2-4 б сынып «Последний бой», 5 -6-7а сынып «Жасұлан» сынды әндерін орындады.

9 Мамыр-Жеңіс Күні. Бұл – Отан қорғаудағы өшпес ерлік пен өлшеусіз даңқтың, халқымыздың шексіз қаһармандығы мен мұқалмас қажыр-қайратының ең айтулы мерекесі. Ұлы Жеңіс оңайлықпен келген жоқ.
Төрт жылға жуық, 1418 күн, Ұлы Отан соғысы болды. Бұл қайғы-қасірет, ауыр еңбек жылдары. Майдангерлердің иығына аса ауыр жүк түсіп, Отаны, елі үшін от болып жанды, оқ болып атылды. Қаншама боздақтар ұрыс даласынан қайтпай қалды Сонымен қатар бұл ерлік, Отанға деген шексіз сүйіспеншілік жылдары болды. Біз ардагерлерге олардың ерліктері үшін алғысымызды білдіреміз. Жыл сайын осы күні еліміздің шағын ауылдары мен үлкен қалаларында Даңқ мемориалының жанында майдангерлер, тыл еңбеккерлері мен қаза тапқан жауынгерлерге құрмет көрсету үшін салтанатты шаралар өтеді.
9 мамыр күні Самар ауылындағы Даңқ мемориалына адамдар мерекелік көңіл-күймен жиналған. Бұл жерде жиырмасыншы ғасырдың ең қанды және қатыгез соғыстағы жеңістің қандай жолмен келгенін, осы қасиетті күнді еске алу үшін барлық адамдар жиналды. Біз бейбіт аспан астында өмір сүріп, осы жарқын және қымбат мерекені 74-рет қарсы алып отырған Ұлы Жеңіс күнін жадымызда мәңгі сақтауымыз керек.

«Сәуір болмай тәуір болмас» деген ата-бабаларымыз, жер аяғы кеңіп, көктемгі шаруаның қызу басталар шағында ағаш отырғызып, айналаны абаттандыруға көңіл бөлген.
Ағымдағы жылдың 17 сәуір күні Сарыбел ауылдық округінде өткен сенбілікте жергілікті мекеме, мектеп ұжымы мен жоғары сынып оқушылары тазалық жұмыстарына бел шеше кірісті. «Жас өркен» көгалдандыру жоспар бойынша «Қайыңды» орман шаруашылығынан барлығы 85 түп қарағай, 70 түп қайыңды ағаш өсіру питомниктен әкелінген өскіндерді отырғызу жұмыстары жүргізілді.

Тассай елді мекеніндегі көктемгі қар суынан топырағы езіліп, ойдым-ойдым ойылып томарға айналған орталық көшедегі күре жолды шаруа қожалықтарының бес бірдей қуатты тракторы мен қайратты қыр жігіттері жұмыла кірісіп кешке дейін тас жолды тақтайдай етіп тегістеп тастаққа айналдырды. Шайтан арбамен жарыса шапқыласқан көк өрімдер де қуанып, көктеммен бірге жадыраған жұрттың да еңсесі көтеріліп сала берді.