Қазақстан Республикасының мемлекеттік Әнұраны орындалды. Оң қолын көкірегіне қойып «Менің Қазақстаным» деп қосыла шырқаған тұрғындар Әнұран аяқтала қошеметтей қол соғып жіберді.
Мінберге көтерілген «Нұр Отан» бастауыш партия ұйымы төрағасының орынбасары Сайраш Чалова өз баяндамасында «Елбасы жолына» көбірек тоқталды. Ауыл ақсақалдар алқасының атынан Әлімхан ақсақал, М.Әуезов орта мектебі директорының тәрбие жөніндегі орынбасары М.Садықова және бұрынғы партия мүшесі Ш.Галиевалар Президент күніне арнаған құттықтауларын жолдап елін сүйген Елбасына, оның байтақ еліне арнаған алтын ғұмырының ұзақ болуын тіледі. Мерекелік құттықтаулар мен марапаттаулардан соң ауыл көркемөнерпаздарының Елбасы туралы, сонымен қатар елбасы шығарған өлеңдердің сөзіне жазылған «Шұбарат» сияқты патриоттық рухтағы ән жырлардан топталған концерті қойылды.

«Бірінші байлық денсаулық демей», - ме дана қазағым, яғни денсаулық адамның баға жетпес, аса қымбат құндылығы. Денсаулықты күту үшін бала кезден спортқа бейім болып, спортпен айналысып, денені шынықтырып, шынықсаң шымыр боларсың деген қағиданы әр адам өмірлік ұстаным етсе нұр үстіне нұр емеспе.

Бала деген – болашағы даланың
Бала деген қуанышы ананың
Егер бала тәрбие алса данадан
Биік шыңы адалдықтың, сананың
М.А. Шакирова
Мектепке дейінгі тәрбиемен қамтамасыз етудегі балабақшалардың ұстанымы бір, мақсаты ортақ, бала тәрбиесіндегі ерен еңбегі мол. Білімді, дені сау, елдің ертеңі, болашағы, Отан қорғар азаматы-бүгінгі бүлдіршініміз деп айтар болсақ, өз ұлтымыздың құндылықтарын алға қарай алып барушы, халықтың тілі, салт-дәстүрі, әдебиеті, мәдениеті сияқты ерекшеліктермізді жалғастыратын да-бүгінгі бұлдіршіндеріміз.
Үлкенбөкен ауылының балабақшасында бүгін мерейтой- 10 жыл! Балабақшамыз 2008 жылы ашылған. Балабақшада 3 топ қызмет атқарады.
Бұл балабақша 10 жыл бұрын қызметін бастаған кезде, ауланы көгалдандыру бойынша, асхана, кір жуатын бөлме, топтар мен жатын бөлмелер бойынша көптеген жұмыстар аяқталмайтындай болып көрінген еді.
Балабақша – ол баланың өміріндегі жаңа жолға бастар алғашқы қадам.
Сол алғашқы қадамды жасауға көмек көрсетіп жүрген адамдар жайлы айтпай кетпеске болмайды.
Жылы жүзділік, педагогикалық талант, шыдамдылық пен ақылдылықтың барлығы тәрбиеші мамандығының негізі болып табылады.
Тәрбиешілер балаларға қоршаған ортаның тылсым сырларымен, мәдени және рухани құндылықтарымен таныстырып, қоршаған ортаны ұнатып, сақтау қажет екенін үйретеді.
Мектепке дейінгі мекеме ұжымын А. Егеубаева басқарады.

Ағымдағы жылдың 10 қарашасы күні Теректі ауылдық округіндегі Қ.Аухадиев атындағы орта мектебінің спорт залында спорт ардагері Лекеров Жұмағазы Баяхметұлын еске алуға арналған волейболдан 50-ден жоғары жас аралығындағы турнир өтті. Өнегелі ұстаздарын еске алуға алыс-жақыннан оқушылары, әріптестері, жерлестері және туған-туыстары мен отбасы жиналды. Ж.Б.Лекеров еңбек жолын Қарағандыкөл ауылында дене шынықтыру және алғашқы әскери дайындық пәнінің мұғалім болып бастаған.