Аудан әкімінің төрағалығымен кезекті аппараттық жиын бұл жолы көшпелі форматта Үлгілімалшы ауылында өтті.

Жиналысқа аудан әкімінің орынбасарлары,  дербес бөлім басшылары,  ауылдық округ әкімдері және БАҚ өкілдері қатысты.  Жиын барысында ауданның әлеуметтік-экономикалық дамуы мен тұрғындардың әл-ауқатын арттыруға бағытталған бірқатар маңызды мәселелер қаралып,  олардың шешу жолдары талқыланды.

Күн тәртібіндегі алғашқы мәселе – 2026–2027 жылдардағы жылыту маусымына дайындық жоспарлары болды. Бұл бағыт бойынша аудандық сәулет, құрылыс, тұрғын үй-коммуналдық шаруашылық, жолаушылар көлігі және автомобиль жолдары бөлімінің бас маманы Назир Шалбаев баяндама жасап, алдағы жылыту маусымына дайындық жұмыстарының барысы мен жоспарланған іс-шаралар туралы ақпарат берді. Жылу беру нысандарының техникалық жай-күйі, көмір қоры мен қажетті жөндеу жұмыстарының орындалуы назарға алынды.

Келесі кезекте ауыл шаруашылығы алқаптарындағы зиянкестермен күрес мәселесі қаралды. Аудандық аумақтық инспекцияның бас маманы Зульфия Жакияновна Каримова ауыл шаруашылығы дақылдарының өнімділігіне қауіп төндіретін зиянкестерді анықтау және жою бойынша атқарылып жатқан жұмыстар жөнінде баяндады. Сонымен қатар, фитосанитариялық қауіпсіздікті қамтамасыз ету және алдын алу шараларын күшейту қажеттігі атап өтілді.

Пікір: