17 ақпан күні Көкпекті аудан әкімдігінің мәжіліс залында кеңейтілген аппараттық жиын өтіп, маңызды тақырыптар талқыланды. Көкпекті ауданының әкімі Қошқарбаев Нұрбек Тұрсынқанұлы басқарған жиынға аудан әкімінің орынбасарлары, "Аманат" партиясының аудандық филиалы төрайымы, аудан әкімдігінің аппарат басшысының міндетін атқарушы, дербес бөлім басшылары, ауылдық округ әкімдері, мекеме басшылары және БАҚ өкілдері қатысты.
Жиынның күн тәртібінде өңірдің әлеуметтік-экономикалық дамуына қатысты бірқатар маңызды мәселелер қаралды.
Отырыста алғашқы мәселе ретінде 2026 жылға арналған өңірлік жұмыспен қамту картасының жоспарлы тапсырмаларын іске асыру барысы талқыланды. Бұл бағыт бойынша атқарылып жатқан жұмыстар мен алдағы міндеттер жөнінде мансап орталығының басшысы Мерей Смағұлов баяндама жасады.
Келесі кезекте аудан әкімінің қабылдауында болған азаматтардың өтініш-шағымдарының орындалу барысы, сондай-ақ хаттамалық тапсырмалардың жүзеге асырылу деңгейі қарастырылды. Бұл жөнінде аудан әкімі аппараты басшысының міндетін атқарушы Диас Серікбеков ақпарат берді.

Сонымен қатар, елді мекендер аумағындағы пайдаланылмай жатқан жер учаскелерін мемлекет меншігіне қайтару бойынша жүргізілген жұмыстар туралы ауылдық округ әкімдері есеп берді.
Келесі кезекте Әскерге шақыру мәселесі бойынша Көкпекті ауданының қорғаныс істер бөлімі басшысының м.а. Рамазанов Еламан Дүсүпбекұлы шағын баяндама оқыды. Ол әскери-патриоттық іс-шараларды ұйымдастыру барысында өзге бөлімдер мен мекемелерден қолдау керек екенін айтты.
Жиын соңында түрлі ағымдағы мәселелер қаралып, жауапты мекемелерге нақты тапсырмалар жүктелді. Аудан әкімі аппараттық отырыста көтерілген мәселелерді уақытылы орындау және бақылауды күшейту қажеттігін атап өтті.

Пікір: