Павлодар облысындағы республикалық маңызы бар көлік жолдарының биыл 3 нысанда күрделі жөндеу...
Кроме того, местные жители – молодежь, представители старшего поколения – помогли привести в...
Жергілікті тұрғындар – жастар мен аға буын өкілдері көшелерді ретке келтіруге, қоқыстарды...
10 сәуір күні өткен аудандық мәслихат сессиясында «Көкпекті ауданының құрметті азаматы» атағын...
Көкпекті ауданының бірқатар елді мекендерінде қардың қарқынды еруінен су тасқыны орын алды. Аудан...
Тәуелсіздік жылдарында Қазақстан мемлекет-тілікті қалыптастырудың, ұлт бірлігін нығайтудың, нарықтық экономиканы құрудың қиын да жарқын жолынан өтті. Бізде еліміздің төңірегінде кеңінен аталып өтетін өзіміздің ұлттық мерекелеріміз пайда болды. Биылғы жылы, төртінші жыл қатарынан, біз ерекше мереке - Тұңғыш Президент күнін атап өттік.
Мерейлі мереке киелі Көкпекті өңірінде де жоғары деңгейде тойланды. Ұлт Көшбасшысын ұлықтауға арналған шаралар шеруі Құмар Раев атындағы балалар үйінің тәрбиеленушілерін құттықтаудан бас-тау алғаны үлкен маңызға ие. Аудан басшысы жас жерлестерімізді мерекемен құттықтап, арнайы сый-лықтар табыс етті. Өскелең ұрпақ өкілдері болса, өз тарапынан алғысын жаудырып, еліміздің Тұңғыш Президентіне деген ыстық ықыластарын жеткізді.
Мәдениет үйінде салтанатты шара өткізіліп, жергілікті өнерпаздар мерекелік концерт ұйым-дастырып, жұртшылық Елбасына деген ақжарма тілектерін ортаға салды. Еліміздің аз уақытта қол жеткізген жетістіктері мен ауыл-аймақ әлеуетінің артып келе жатқандығын тілге тиек етісті.
Еліміз жылдан-жылға дамып, экономикамыз өркендеп, халықтың әл-ауқаты артуда. Қазір бүкіл әлем қазақ елін құрметтейді. Бұл ширек ғасыр бұрын халық алдында Қазақстанды үлкен белестерге жеткіземін деп ант еткен Нұрсұлтан Назарбаевтың болашаққа жасаған қадамы. Елбасының армандаған істері өміршеңдігін еш уақытта жоғалтқан емес. Көкпектіліктер Президенттің асқан көрегенділікпен жүргізіп жатқан салиқалы саясатына дән риза.
- Егемендікке қол жеткізген жиырма төрт жылдың өзінде Қазақстанды бейбітшілік пен жасампаздық жолына салып, елдің кемел келешегін болжай білген Елбасының кемеңгер саясаты бүгінгі күні өз жемісін беруде. Бүгінгі күні әлем Қазақстанды экономикасы қырыштап дамыған, ішкі саясаты тұрақты, бейбіт идеялардың елі деп таниды. Әрдайым, осылай жұлдызымыз жарқырай берсін, - деді құттықтау сөзінде аудан басшысы Рамиль Нығметжанұлы.
Нұртас Исенов, Самар аграрлық-техникалық колледж директоры:
-Жолдауда атап көрсетілгеніндей, Қазақстан Орталық Азияда еңбек ресурстары бойынша көшбасшы елге айналуы шарт. Екіншіден, бұл Жолдауда адами капиталдың дамуына өте үлкен мән берілді. Қазақстан Орталық Азияда еңбек ресурстары бойынша, әсіресе техникалық мамандықтар бойынша көшбасшы атануы тиіс. Бұл орайда біздің колледждің бүгінгі атқарып отырған жұмысы Жолдау талаптарына толық сай келеді деп айта кетуге болады. Жарты ғасырдан астам уақытта оқу орны мыңдаған ауыл еңбеккерін оқытып тәрбиелеп шығарды. Ауыл шаруашылығында еңбек еткен біздің түлектеріміздің қазір балалары мен немерелері әке, ата жолын қуып, тракторист-машинист, жүргізуші мамандықтарын игеруде. Соңғы жылдары халық шаруашылығына қажетті қосымша мамандықтар қосылып, техникалық колледж статусын алдық.
Жолдауда Президент жастарға қарата: «Жұмысшы мамандықтарын игеру керек. Мектеп бітірген соң біреулері колледжге, университетке түседі, біреулері армия қатарына аттанады. Дегенмен, олардың отыз пайызы қалады. Олар мамандық алулары керек. Бұл жерде мен өзімнің де бір кездері жұмысшы киімін киіп, домна пештерінде еңбек еткенімді еске сала кеткен артық болмайды деп ойлаймын», - деді.
Ел Президенті өз Жолдауында жұмысшы мамандығын игеру мәселелеріне қатысты баяндай келе, жастар үшін жасқанбаудың маңызды екенін ескертті. Президенттің айтуынша, айналаның бәрінде де жұмысшының «алтын қолынан» шыққан дүниелер, мысалдар толып жатыр. Бұл ретте Н.Назарбаев еңбек адамы қашанда елеулі болуы тиістігін, сол үшін арнайы награда бекітілгенін айтты. Сондықтан да біздің шәкірттеріміз мамандық таңдауда адасқан жоқ, ал біз олардан ел игілігіне еңбек сіңіретін азаматтар тәрбиелеп шығаруға күш саламыз.
Көкпекті ауданында Президенттің кезекті Жолдауын мемлекеттік қызметкерлер, депутаттар, дәрігерлер, педагогтар, еңбек ұжымдары, әлеуметтік сала қызметкерлері, зейнеткерлер, студенттер көңіл қоя тыңдады. Әлемдік дағдарыс кезеңінде Ұлт Көшбасшысының аузынан Қазақстан стратегиясын өз құлақтарымен тыңдау олардың әрқайсысы үшін аса маңызды.
Елбасы Жолдауын мұқият тыңдаған әр сала өкілдері өз ойларын ортаға салды:
Гүлбаран Ақшабаева, «Нұр Отан» партиясы Көкпекті аудандық филиалы төрағасының бірінші орынбасары:
-Қазақстан Республикасының Президенті, «Нұр Отан» партиясының Төрағасы Н.Ә.Назарбаев Қазақстан халқына «Қазақстан жаңа жаһандық нақты ахуалда: өсім, реформалар, даму» Жолдауын жариялады. Елбасы партия төрағасы партия дағдарысқа қарсы құрылымдық реформаларды жүзеге асыруды заңнамалық тұрғыда қамтамасыз етумен қатар, түсіндіру жұмыстарына атсалысатын басты күш екендігін атап өтті. Сондықтан аудан көлеміндегі 13 бастауыш партия ұйымдарында түсіндіру жұмыстарын лайықты жүргізуге әрбір партия мүшесі белсенділік танытатын болады. Сондай-ақ, Елбасы биылғы Жолдаудың орындалуына барлық қазақстандықтарды белсенді түрде қатысуға шақырды.
Слямбек Мұқашев, аудандық ардагерлер кеңесінің төрағасы:
- Елбасымыздың биылғы халыққа арнаған кезекті Жолдауы елдік мәселелерге жан-жақты шолу жасап, алдағы мақсаттарымызды айқын көрсетуімен ерекшеленеді.
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев.