10 тамыз «Самар ауылдық округі әкімшілігінің» ұйымдастыруымен, санитарлық нормаларды сақтай отырып, Қазақстан Республикасы Тәуелсіздігінің 30 жылдық мерейтойына және де Абай күніне орай, «Абай жаққан бір сәуле» атты іс-шара өтті. Байқауға Самар, Құлынжон, Көкжыра ауылдарының жастары қатысты.
Сайыстың басты мақсаты – сөз қадірін түсініп, әдеби тілде сөйлеуге жастарды дағдыландыру, Абай мұрасын насихаттау, шығармалары арқылы жастарды отансүйгіштікке тәрбиелеу, қазақтың ұлттық әдебиеті мен сөзіне, мәдениеті мен тіліне деген ықыласын арттыру.

Алғы сөз кезегін алған Самар ауылдық округі әкімінің орынбасары Гүлсара Нұрпейісова атаулы мерекемен құттықтап қатысушыларға сәттілік тіледі.
Үміткерлер ақынның лирикалық өлеңдерімен немесе қарасөздерін мәнерлеп жатқа оқу арқылы сынға түсті. Әділ қазылар алқасының шешімі бойынша І – дәрежелі дипломмен Жақсылық Шұғыла, ІІ дәрежелі дипломмен Тамызғазина Ұлжан, Нұржанқызы Жанерке, ІІІ дәрежелі дипломмен Серікбол Нұрдәулет, Мехнина Кристина, Зайцева Анастасия марапатталды.
Барлық қатысушылар өздерінің мықты екендерін дәлелдеді. Сондай - ақ ауылдық кітапхана ұжымы ашық аспан астында «Абай Құнанбайұлының» кітаптарының көрмесін, ал және «Балалар өнер мектебінің» ұстаздары өздерімен шәкіртері жасаған қазақтың ұлттық қолөнер бұйымдарын ұсынды.
Осындай игі іс-шараны ұйымдастыруға көмек көрсеткен «Лик» шаруа қожалығының басшысы Лопаткин Михаил Викторовичке, жеке кәсіпкер Шапибаева Нұрзада Қыдырханқызына алғысымызды білдіреміз.

Самар ауылдық округ
әкімінің ақпараты

Пікір: