«Нұр Отан» партиясының Көкпекті аудандық филиалы кішкентай бүлдіршіндерді келе жатқан Жаңа жыл мейрамымен құттықтады. Осығай орай ұйымдастырылған мерекелік іс-шараға әлеуметтік аз қамтылған және көпбалалы отбасылардан шыққан, жетім және ата-ана қамқорлығынсыз қалған 55-ке жуық бала қатысты.
«Нұр Отан» партиясы аудандық филиалы жыл сайынғы дәстүрінен жаңылмай жаңа жыл қарсаңында Көкпекті ауылының кішкентай тұрғындарына сый жасады. «Бақытты балалық шақ» партия жобасы аясында өткізілген шырша мерекесінде нұротандықтар бүлдіршіндерді құттықтап, сый-сияпаттарын тарту етті.

Шарада бүлдіршіндер түрлі ертегі кейіпкерлерімен ойын ойнап, жүргізушілердің түрлі сауалдарына жауап беруге тырысқандар да сыйлықтан құр қалмады. Шырша мерекесіне арнайы келген Көкпекті ауданы әкімінің орынбасары Марат Теміржанов, ардагерлер кеңесінің төрағасы Слямбек Мұқашев мерекелік ізгі тілектерін арнады.
Бұл күні Аяз ата мен Ақшақар да балалардың көңілдерін көтеріп, қызықты ойындарымен сергітті. Шараға қатысқан барлық балаға түрлі сыйлықтар үлестірілді.

Пікір: