Ағымдағы жылдың 13 ақпанда Көкпекті ауылындағы №1 БЖСМ Ауғанстаннан Кеңес әскерлерінің шығарылғанына 30 жыл толуына орай жасөспірімдер арасында дзюдодан аудандық ашық турнир өткізді.

Оған 8 командадан 130 дзюдошы қатысты: №1 БЖСМ - 50 бала, Көкжайық - 13 бала, Үлкенбөкен - 20 бала, Тассай - 14, Биғаш - 13, Шұғылбай - 9 бала, Көкжота - 14, Амангелді - 3.
Турнирдің ашылу салтанатында аудан әкімінің орынбасары М.Теміржанов, ауған соғысының ардагері Е. Жұмажанов сөз сөйледі. Дене шынықтыру және спорт бөлімінің басшысы Е.Кәрібаев Ауған соғысының ардагерлеріне Алғыс хат табыс етті, ал ата-аналар комитеті оларға гүл шоқтарын сыйлады. № 1 БЖСМ бас төреші – жаттықтырушысы Ө.Төлеубеков турнир қатысушыларын, сонымен қатар, жарыс бағдарламасын таныстырды. Ата-аналар жарыс кезінде спортшылардың тамақтануын қамтамасыз етті.

Жарыс қорытындысы бойынша жалпы командалық І орын №1 БЖСМ (жаттықтырушы О. Төлеубеков). Олардың ішінде бірінші орын 10 спортшы, екінші орын алған 9 оқушы және 8 үшінші орын иегері бар. Жас ерекшеліктері бойынша бірінші болып Даукенов Әрсен, Мұрат Төлегелді, Ордаханова Далия, Егеспекова Томирис, Сайлаубеков Медет, Тлеуханұлы Әлижан, Таңыспаев Алдияр, Құмар Туран, Төлеуханов Шыңғыс, Айдарұлы Нұрислам атанды.
ІІ орын иегерлері: Азанбаев Дарын, Құралбеков Руфат, Смағұлов Дарын, Мұрат Ильяс, Кәрімғалиев Қанат, Мырзабек Дастан, Ешмұхаметов Бекжан, Аубакиров Мади, Медетұлы Мержан.
ІІІ орынды Мұрат Алмас, Тоқанов Ролан, Болатбекова Мөлдір, Салимов Санжар, Каблахатов Дәулет, Кабдрешев Санжар, Серіков Нұрәлі, Тұрлыбаев Дархан алды.
Жалпы командалық ІІорынды Үлкенбөкен ауылының құрамасы, жаттықтырушы – Д.Данабеков иеленді. ІІІ орында Тассай ауылының командасы, жаттықтырушы - А.Ізгутдинов болды. Жарыс соңында жеңімпаздар мен жаттықтырушылар алғыс хаттармен марапаталды.

Пікір: