Шаңғы спорты - қысқы спорт түрлерінің негізгілерінің бірі. Олимпиада ойындарының, қысқы Азия ойындарының бағдарламасына енген спорт түрі.
18 қаңтар күні аудандық дене шынықтыру жəне спорт бөлімінің басшысы Ержан Серікұлы Кəрібаевтың ұйымдастыруымен, Теректі ауылында шаңғыдан аудан біріншілігі өтті. Салауатты өмір салтын насихаттау жəне дамыту мақсатында ұйымдастырылған шараға ауданымыздың 17 округінен, өкінішке орай 4 ауылдық округі (Көкпекті, Теректі, Үлкенбөкен жəне Бастаушы) шаңғышылары ғана бұл жарысқа келді. Жастармен бірге спорт ардагерлері Қ.Тыныбаев, С.Тлебалдин, Р.Тоқсейітова, Б.Рас-трига Л.Дегтеренко жарыс жолына шығып алпыс жас деген, кəріліктің жасы емес екенін тағы бір дəлелдеді.

Орта буыннан Қ Мағзумов, Б Жадрин сияқты азаматтар шаңғы тебудің үздік техникасын көрсетті. Командалық есепте жарыс қорытындысы бойынша: Теректі ауылы - І орын. Үлкен Бөкен - ІІ орын. Көкпекті - ІІІ орынды иеленді. Жеңімпаздар аудандық дене шынықтыру жəне спорт бөлімі тарапынан марапатталды. Айта кету керек, шаңғы жарысы ауданымызда алғаш бастамасын алды, осы қарқында жалғасын табады деген сенімдеміз. Спорт денсаулық кепілі демекші, осындай іс-шаралар жиі өткізіліп, барлығымыз ат салысып қатыссақ нұр үстіне, нұр болар еді.

Əнел Назарханова, С.Аманжолов атындағы ШҚМУ-нің Журналистика мамандығының 2 курс студенті

Пікір: