Көкпекті ауданы балалар мен жасөспірімдер спорт мектебінің тәрбиеленушілері спорт төресі – таэквондодан аудан намысын биік ұстап келеді. Жақында Өскемен қаласында, 2004-2006 жж жасөспірімдер арасында өткен таэквондодан облыс чемпионатында жеңіспен оралды.
Аталмыш чемпионат Астана қаласының 20 жылдық мерекесіне арналды. Облыстың түкпір-түкпірінен спортшылар қатысқан додада біздің таэквондошылар аудан намысын қорғап, бапкер Бақыт Ғазизовтың шәкірттері үздік нәтижелер көрсетті. Дүркіреп өткен облыстық жарыстың қорытындысы бойынша көкпектілік спортшылар жақсы өнер көрсетіп, жүлделі орындарға ие болды.

61 кг салмақ дәрежесінде ұлдар арасында өнер көрсеткен Анатолий Бойко І-орын алса, 41 келі салмақ дәрежесінде сынға түскен Бекжан Жексенбеков ІІІ орынды иемденді. Саңлақ спортшылардың жеңісті жолдарын қыздар арасында өз салмақ дәрежелерінде Динара Ғазизова мен Еркежан Еркенова қанағат тұтты.
Бақыт Ғазизұлындай білікті бапкерлердің ізін басқан жас таэквондошылар жыл басынан бері толағай табыстарға қол жеткізіп үлгерді. Болашақта осы алған білім-тәжірибелері спортшыларға жаңа белестерге жетулеріне себепші болатыны анық.
Салауатты өмір салтын ұстанған жас спортшыларымыз аға буынының батырлық және жауынгерлік қасиеттерімен тәрбиеленіп, намысы ту етіп болашақта Отанымыздың бетке ұстар, абыройлы азаматтары болатындарына толық сенімдіміз!

Клара ҚАЙЫПЖАНҚЫЗЫ

Пікір: