Көкпекті спортында кейінгі он жыл таэквандо күресі жақсы дамып, белсенді белең алып келеді. Палуандарымыз әлемдік, халықаралық республикалық жарыстарда жүлдені жұлып, бәйгесін басып алып жүрген жастар.
Көкпекті ауданы орталығы Көкпекті ауылындағы Спорт кешенің күрес залында жаттығу толастар емес. 2019 жылы жабылып қалған аудандық спорт бөлімін қайтадан ашқан аудан әкімі Асхат Смаиловтың спортқа деген қамқорлығы ерекше көрінуде.

Осы игі басталардың нәтижесіндей жас-өспірім палуандар тәулік бойы неше ауысымда жаттығуларын жүргізуде. Таэквандо десе талапкерлерін тайдай тулатып, осы күрестің түрін ойлап тапқан кәрістерді таңғалтып жатыр, көкпектілік жаттықтырушы Бақыт Рахимов.
5-7 қаңтар аралығында өткен жарыс ITF таэквондодан Қазақстан чемпионатына және ITF таэквондо Федерациясының құрметті президенті Нам Ю.М.Кубогына арналды.
Шығыс Қазақстан облысының құрама командасы сапында ауданымыздағы белгілі бапкер Бақыт Рахимовтың шәкірті Рахат Байсақалов 50 келі салмақта күміс жүлдені иемденді.

Пікір: