Халық денсаулығын жақсарту, сапалы медициналық қызмет көрсету мүмкіншіліктерін үйлестіруде облыс әкімі Даниал Ахметовтың тапсырмасымен аудандық ауруханаға жаңа технологиялық үлгідегі жедел жәрдем автокөлігі берілді.
Жедел медициналық қызмет көрсетуге арналған бұл көліктер аса ауыр халдегі науқастарды тасымалдауға және дер кезінде қызмет көрсетуге негізделген.

Жоғарыда айтып өткендей, Көкпекті ауданының аудандық ауруханасы және Самар ауылындағы ауданаралық ауруханасының автопаркі жаңа реанимобиль-автокөлікпен толықтырылды. Автокөлік салоны қажетті медициналық құрал-жабдықтарды қолдануға және медициналық көмек көрсетуге негізделген. Машиналарда барлық қажетті заманауи жабдықтар дефибриллятор-мониторлар, электрокардиографтар, пациенттің реонимациялық-анестезиологиялық тасымалдау моноторлары, өкпені басқаратын және қосалқы желдету аппараттары, портативті пульсоксиметрлер, ингаляция үшін арналған жүйелер жиынтығы, портативті компрессорлық небулайзерлер, қандағы глюкоза концентрациясының экспресс-өлшегіштері және бар. Жол үстінде келе жатып-ақ науқастарға алғашқы көмекті көрсетуге болады. Бұл жедел жәрдем қызметін бұрынғыдан да жылдам, әрі сапалы етуге септігін тигізеді. Осындай заманауи автокөліктер халыққа сапалы, әрі қолжетімді медициналық көмек көрсету үшін үлкен жәрдем болады, - дейді аудандық аурухананың бас дәрігері Әсем Төлеуғазықызы Рахимбаева. Ал ауданға берілген жаңа үлгідегі медициналық автокөліктер пациенттерді облыс орталығына тасымалдау үшін пайдаланады. Әсіресе, бұл шұғыл жағдайларда қажетті медициналық көмектің жылдамдығы мен сапасын едәуір жақсартады.

Пікір: