Серіктестер

                                                                                                                    

                                                                                         

 

 

Аудан әкімі Асхат Смаилов жұмыс сапарымен Биғаш ауылдық округіне барды. Жергілікті қауымдастық өкілдерімен кездесу барысында тұрғындарды толғандырған мәселелер талқыланып, алдағы уақытта атқарылар шаруа-лар пысықталды. Басым бағыттар айқындалып, түйінді мәселелер талқыланған жиында бірқатар тың ұсыныстар да ортаға салынды.


Асхат Сайдахметұлы алдағы уақытта Биғаш ауылынын дамыту жоспарларымен бөлісті. Ағымдағы жылы ауылға су құбырын салуға қажетті жобалау сметалық құжаттар дайындалмақ. Сонымен бірге, В.Маяковский атындағы негізгі мектептің спорт залын жөндеуден өткізіп, қолданысқа беру мақсатында жұмыс жүргізіледі. Егінбұлақ ауылындағы клуб үйінің ғимаратын қалыпқа келтіру де назардан тыс қалмайды. Алдағы жоспарлардың басым бағыты – Биғаш ауылдық округіне еліміздің оңтүстік өңірінен қоныс аударушылар мен оралмандарды қоныстандыру болмақ. Бұл бағытта ауылдық округ әкімі Дулат Оспанов жоспарлы жұмыс жүргізіп отырғанын айта кеткен жөн. Иесіз бос тұрған және сатылымға қойылған тұрғын үйлердің тізімін жасап, облыстық басқармаға ұсыныс та енгізіпті. Туған ауылына қайта көшіп келіп, кәсіп ашамыз деп ниет білдіруші азаматтар да табылыпты. Аудан әкімі бұл бағыттағы жұмысты жандандырудың маңыздылығын ескертіп, ауылдың болашағына үлкен өзгеріс енгізуге тиісті шараға ел болып жұмылуға шақырды.
Ақсақалдар алқасының төрағасы Қадыр Әлімбаев бірқатар түйінді мәселелерді айтып өтті. Ауылдастар өтініші бойынша сөз қозғаған ардагер аудан әкіміне мектептің жылу жүйесіндегі ақауларды, көше ішіндегі жолдардың қардан тазалаудағы қиыншылықтарды жеткізді. Мектеп директоры Архат Қабден жылу жүйесінде орын алған қиындықтарды түсіндіріп, оны жою мақсатындағы жұмыстарға тоқталды.
Асхат Сайдахметұлы ауыл тұрғындарының өтініштері бойынша өз ойларын айтып, әрбір мәселенің назардан тыс қалмайтынына сендірді. Округ әкімі Дулат Оспановқа ауыл ішіндегі санитарлық тазалықты сақтау, қоғамдық тәртіпті қамтамасыз ету сынды тапсырмалар жүктелді.

Пікір:

Директор-редактордың блогы

 Көкпекті аудандық  

«Жұлдыз - Новая жизнь» 

 газетінің сайтына

қош келдіңіздер!

 Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!

Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев. 

 

 

Күнтізбе

<< < Қаңтар 2019 > >>
Дс Сс Ср Бс Жм Сб Жс
  1 2 3 4 5 6
7 8 9 10 11 12 13
14 15 16 17 18 19 20
21 22 23 25 26 27
28 29 30 31      

Қаралым санағы

HotLog

Біз әлеуметтік желідеміз