Қазақстан Республикасының Конституциясы күнін атап өту аясында Самар ауылының орталық базарында мерекелік жәрмеңке өтті. Самар ауылының тұрғындары және келген қонақтар түрлі-түсті өнімдер қойылған жәрмеңкеге бас бұрды.
Тұтынушыларға ауылшаруашылық саласының шикізаттары - ет, балық, сүт өнімдері, сонымен қоса, күз байлығы мен молшылығын паш ететін көкөністер, жергілікті көкөніс өсірушілердің қолымен өндірілген қызанақ, қияр, қауын, жүгері, бұрыш ұсынылды.

Бағалардың әбден қолайлы екендігін атап өту керек. Ет дүкенінің иелері жаңа сойылған ірі қара мал етін 1300 -1400 теңгеден ұсынды.
«Көкжыра-сүт» сүт цехының өнімдері (А.Қажиғалиев) ұзақ уақыттан бері тұтынушылардың көңілінен шығуда. Жәрмеңкеде сан түрлі сүт өнімдері - қаймақ, ірімшік және балық өнімдері – көксерке мен ақбөкеннің келісінің бағасы 400 теңгеден саудаға салынды.
Самар ауылының тұрғындары, әсіресе, зейнеткерлер бұл өнімдердің бағасының қымбат еместігін айтып, риза көңілдерін байқатты.
Әуесқой бал арасын өсіруші, Самар ауылының тұрғыны В.Кузьмин әкелген омарта өнімдері күнбағыс және қарақұмық балы қас-қағым сәтте саудаланып кетті. Ол бесінші маусымнан бері жәрмеңкеге қатысып, бал өнімдерімен тұрғындарды қамтамасыз етіп жүрген көрінеді. Владимир Николаевич биылғы жылы ауа райының құрғақшылығына байланысты, жиналған бал өткен жылмен салыстырғанда екі есе азайып кеткенін айтады.
Мереке күні өткен жәрмеңкеге көрші Палатцы және Сарыбел округтерінің шаруалары мен кәсіпкерлері де де белсенді атсалысып, күз байлықтарын ортаға салды.

Қанат ҚАЙЫРҒАЗЫҚЫЗЫ

Пікір: