Спорттың саулық кепілі екені баршамызға белгілі. Десек те, көпшілігіміз спортпен айналысуды тұрақты түрде дағдыға айналдыра алмай жүргеніміз тағы жасырын емес. Оның түрлі себептері де жетерлік. Жастарды спортқа баулу – жарқын болашақ кепілі. Сондықтан бұл тұрғыдағы атқарылар жұмыстарды жандандыру аса маңызды. Әрі кезек күттірмейтін мәселе.
Болашағымыз деп үміт артқан жастарымыздың дені ғаламтордың шырмауынан шыға алмай жатқаны да көңіл құлазытпай қоймайды. Қазіргі қоғам – жаңа ақпараттық технологиялардың қоғамы және XXI ғасырдың бұл ағымы – қоғам дамуының жаңа дәрежесіне жеткізді. Күн сайын жастардың жүзбе-жүз сөйлесуі азайып, әлеуметтік жүйе қолданысы, керісінше, артып келеді. Ғаламтор желісін қолданбайтын жастарды табу қиын. Қазіргі кезде әлеуметтік желілер «В контакте», «Мой Мир», халықаралық «Facebook», «LinkedIn», «Инстаграм» және тағы басқалары күннен күнге құлашын кеңге жайып келеді.

Самар ауылында тамаша спорттық модуль салынды, оның аумағында жасанды шөпті футбол алаңы бар. Мұнда балалар ғана емес, сонымен бірге ересектер де өз сүйікті спорт түрлерімен айналысуға мүмкіндік алады. Мұнда әртүрлі турнирлер, жарыстар, спорттық кездесулер өткізіледі.
Мысалы, 2019 жылы 20 сәуір күні «Рухани жаңғыру» бағдарламасының аясында жастардың бойында белсенді өмірлік ұстаным қалыптастыру, аудан көлеміндегі спорттың өркендеуіне, футбол ойынын дамытып, спорттық және қоғамдық пайдалы іс – әрекеттерге тарта отырып, жан – жақты дамыған тұлға ретінде қалыптастыру және оларды рухани дамыту мақсатында балаларды спортқа баулу үшін 2005 – 2006 - 2007 жылы туылған жасөспірімдер арасында шағын футболдан аудандық турнир өткізілді.
Жарысты ұйымдастыруға және өткізуге басшылық жасаған Самар ауылдық мешітінің бас имамы Бекболат қажы Қалебайұлы.
Аталмыш ойынға аудандық ішкі саясат бөлімінің жетекшісі Б.Нұғыбаев, Самар ауылдық округінің әкімі А.Күдербаев, Көкпекті ауданының балалар-жасөспірімдер № 2 мектебінің басшысы Е.Нұхаев, спорт ардагері, ұлағатты ұстаз Т.Барбосынов жарысқа қатысушы командаларға сәттілік тіледі.
Өкінішке орай, турнирге тек қана Ж.Болғанбаев атындағы мектеп-лицейінің оқушылары Акенев Азамат пен Әміров Ерболаттың дайындығымен қатысты. Жарысқа барлығы 2 команда қатысты.Жас аяқдоп шеберлері өте жақсы ойын көрсетті. Бас имам Бекболат қажы додаға қатысушыларды мадақтама мен бағалы сыйлықтармен марапаттады.
Бекболат қажы Қалебайұлының айтуынша, мұндай жарыстар тек қана шағын-футболда ғана емес, басқа да спорт түрлерінде өткізіледі. Біздің мақсатымыз - спортшыларды футболға ынталарын арттыру, спортпен айналысушылар санын артуына ықпал ету, бос уақыттарын тиімді пайдаланып, құқық бұзушылыққа жол бермеу.

Пікір: