Кот-д'Ивуар және Жапония ұлттық құрамалары арасындағы бәсекеден соң азиялық жанкүйерлер «Пернамбуку Аренасын» біршама уақыт босатпады. Сүйікті командасының соңынан басқа континентке еріп келген өз құрамаларының табынушылары олардан кейін қалған қоқыстарды бір кісідей жинастыруға кірісті. Спортшылар ғана емес, сондай-ақ олардың жанкүйерлерінің тәртіптілігінің осындай үлгісі, өкінішке орай, әзірге біздің бойымыздан табылмауда. Жан-жақты қаптаған қоқыстардың арасында өмір сүру – біздің күнделікті өмір салтымызға айналғандай. Тіпті, күн сайын ауыл жастары мен жасөспірімдері футбол ойнайтын «Дорожник» стадионы аумағында да осы жағдай қалыптасқан. Ұқыптылық әрдайым тазаланып тұратын жерде емес, қоқыстарды тастамайтын орында қалыптасатыны белгілі. Өкінішке орай, бұл қарапайым шындықты біздің жастарымыздың санасына ешкім құймаған сыңайлы. Қалай болғанда да, стадиондағы қоқыс қалдықтары мәселесі сол жерде күнделікті өзінің бос уақытын өткізетін жастардың ар-намысына сын.

Надежда ШАРОВА

Пікір: