30 Шілде 2018
ЖАННАНЫҢ ЖЕҢІСТІ ЖЕТІСТІКТЕРІ
- Article Details
Көкпекті ауылында жеке кәсібін ашып, еңбек етіп отырған жас кәсіпкер, Елбасымыздың «Болашаққа бағдар-рухани жаңғыру» атты мақаласында айтылған «Қазақстандағы 100 жаңа есім» жобасына есімі енген жерлесіміз. Ол - он саусағынан өнері тамған Жанна Жабекова. Оның тігін цехында аудан әкімі Асхат Сайдахметұлы Смаилов болды.
Жаны нәзік Жанна жұмсақ ойыншықтар жасайтын тігін цехын ашып еңбек еткеніне 2 жылдай уақыт болды. Тағдыр сынына мойымаған ол - қолөнер шебері. Қолдан жасалған бұйымдар қазір сәнді болып тұрғандықтан, оның өнімдеріне сұраныс жоғары. Жанна жеке кәсіпкер ретінде тіркеліп, заңды түрде ісін жүргізуде. Ол басынан өткерген қиындықтарға қарамай, шығармашылық ізденіспен құлшына еңбек етуде.
ШҚО «ҚАЗАҚСТАННЫҢ ҮЗДІК ӘЛЕУМЕТТІК ЖОБАЛАРЫ» БАЙҚАУЫНЫҢ ЖЕҢІМПАЗДАРЫН ЖАРИЯЛАДЫ
- Article Details
Шығыста «Қазақстанның үздік әлеуметтік жобалары» байқауының аймақтық кезеңін қорытындылады. Бағын сынап, бағытын бағдарлауға жүрексінбеген 32 жоба қазылар таразысына түсті. Ал облыстың үздік әлеуметтік жобасы 1 миллион теңгенің сертификатын иеленді.
Бүгін өткен салтанатты жиында ақтық мәреге шыққан 9 жоба арнайы көрмеде өз жетістіктерін көрсетті. Сайыста топ жарған жүлдегерлердің бірі «Алтын-Ай» қоғамдық бірлестігі ұсынған «Біз бірге мықтымыз!» жобасы. Бұл ұйым бүгінде төсек жабдықтарын, сондай-ақ, сәбилерге арналған киім-кешек пен сан алуан жиһаздар түрлерін де шығарады. Кембағал жандардың қоғамға бейімделуіне жағдай жасап, ақпараттық-құқықтық тұрғыда көмек көрсетеді. Қазіргі таңда тек бірлестіктің өзі 27 мүмкіндігі шектеулі азаматты жұмыспен қамтып отыр.
Директор-редактордың блогы
Көкпекті аудандық
«Жұлдыз - Новая жизнь»
газетінің сайтына
қош келдіңіздер!
Біздің заманымыз – күнделікті өмірімізге дәстүрлі, қарапайым іс-әрекеттерімізді жаңа әрі жетілдірілген түрімен алмастыра отырып енген жаңа технологиялар уақыты. Бүгінде ғаламтор өміріміздің белсенді бөлігіне, қарым-қатынас орнатудың ыңғайлы және заманауи үлгісіне айналып отыр. Соған сай, біздің газетіміз ашық пікір алмасуға әрдайым дайын. Сіздердің әр пікірлеріңізге қуана жауап береміз және редакция тарапына қойылған қандай сауалдарыңызды да жауапсыз қалдырмауға тырысамыз. Газет сайтынан ауданымыздың ең соңғы жаңалықтарымен таныс болумен қатар, көптеген жаңа және танымдық материалдарды таба аласыздар. Пікірлеріңіз бен тілек-ниеттеріңізді Facebook, Вконтакте әлеуметтік желілеріндегі парақшамызға жолдай аласыздар. Әріптестігіміз қызықты, жаңашыл әрі пайдалы болады деген үміттемін!
Құрметпен Көкпекті аудандық «Жұлдыз» - «Новая жизнь» газетінің директор-редакторы Д.Б.Дюсембаев.
Қаралым санағы
Біз әлеуметтік желідеміз
